இலங்கை : முகநூல் விருந்து நடத்திய இரண்டு பெண்கள் உட்பட 16 மாணவர்கள் கைது

ராகம பொலிஸார் நேற்று மாலை முகநூல் விருந்து நடத்திய 18 வயதுக்குட்பட்ட மாணவர்களை கைது செய்துள்ளதாக அதிகாரிகள் உறுதிப்படுத்தியுள்ளனர்.

நுகவெல கெசல்வத்தையில் உள்ள கேரேஜ் ஒன்றில் இரகசியமாக ஒன்று கூடுவதாக கிடைத்த இரகசிய தகவலை அடுத்து இந்த நடவடிக்கை மேற்கொள்ளப்பட்டது.

மேலும் கைது செய்யப்பட்டவர்களில் 15 முதல் 19 வயதுக்குட்பட்ட 16 மாணவர்கள் மற்றும் இரண்டு பெண்கள் உள்ளனர்.

கொட்டாஞ்சேனை, புளூமெண்டல், தெமட்டகொட, வெல்லம்பிட்டிய, கொலன்னாவ உள்ளிட்ட பிரதேசங்களைச் சேர்ந்த மாணவர்கள், இந்தப் பிரதேசங்களில் உள்ள பிரபல பாடசாலைகளில் பயின்று வருவதாகத் தெரிவிக்கப்படுகிறது.

சந்தேகநபர்கள் ராகம நீதவான் நீதிமன்றில் ஆஜர்படுத்தப்படவுள்ளனர்.

ராகம பொலிஸ் நிலைய பொறுப்பதிகாரி பிரதம பரிசோதகர் புத்திக ராஜபக்ஷ மற்றும் திணைக்கள குற்றப்பிரிவு பிரிவின் தலைமையில் இந்த சுற்றிவளைப்பு இடம்பெற்றுள்ளது.