வியட்நாம் வந்தடைந்தார் புடின்

ரஷ்ய ஜனாதிபதி விளாடிமிர் புடின் தனது கிழக்கு ஆசிய பயணத்தின் இரண்டாவது இடமான வியட்நாமின் தலைநகரான ஹனோய் வந்தடைந்தார்.

எவ்வாறாயினும், உக்ரைனில் ஆக்கிரமிப்பு போரை ஊக்குவிக்க ஜனாதிபதி புடினுக்கு ஒரு தளத்தை வழங்கியதற்காக அமெரிக்கா இந்த விஜயத்தை விமர்சித்ததாக வெளிநாட்டு ஊடகங்கள் தெரிவிக்கின்றன.

வியட்நாம் ஐரோப்பா மற்றும் அமெரிக்காவுடனான தனது உறவுகளை மேம்படுத்துவதற்கும், ரஷ்யாவுடனான தனது வரலாற்று உறவுகளை மேம்படுத்துவதற்கும் செயற்பட்டு வருவதாகவும் குறிப்பிடப்பட்டுள்ளது.

ஹனோயின் அரசியல் தலைமையகமான பார்டினில் ஒரு சிறிய பூங்கா அமைக்கப்பட்டுள்ளது, அங்கு மூத்த வியட்நாமிய அதிகாரிகள் ஒவ்வொரு ஆண்டும் ரஷ்ய புரட்சியாளர் லெனினின் பிறந்தநாளில் அவரது சிலைக்கு வணங்குவார்கள்.

இது சோவியத் யூனியன் காலத்தில் ரஷ்யா வழங்கிய பரிசு என்று கூறப்படுகிறது.

எவ்வாறாயினும், வியட்நாமின் பொருளாதாரம் உலகளாவிய சந்தைகளுடன் ஒருங்கிணைக்கப்பட்டதன் மூலம் மாற்றமடைந்துள்ளதாகத் தெரிவிக்கப்படுகிறது.

வியட்நாம் இன்னும் முக்கியமாக ரஷ்யாவில் தயாரிக்கப்பட்ட இராணுவ உபகரணங்களைப் பயன்படுத்துகிறது, மேலும் தென் சீனக் கடலில் எண்ணெயை ஆராய்வதற்காக ரஷ்ய எண்ணெய் நிறுவனங்களுடன் கூட்டு சேர்ந்து இருப்பதாக கூறப்படுகிறது.

தொடர்புடைய செய்திகள்:

தைவானில் சக்திவாய்ந்த நிலநடுக்கம் நியூசிலாந்தில் திருட்டில் ஈடுபட்ட நாடாளுமன்ற உறுப்பினர் இராஜினாமா பப்புவா நியூ கினியாவில் கடத்தப்பட்ட ஆஸ்திரேலிய விமானி விடுவிப்பு அர்ஜென்டினாவின் தூதரை நிரந்தரமாக திரும்ப அழைத்த ஸ்பெயின்