IPL Match 63 – போட்டி மழையால் பாதிப்பு

நடப்பு ஐ.பி.எல். தொடர் இறுதி கட்டத்தை எட்டியுள்ளது. இதில் அமகதாபாத்தில் இன்று நடைபெற உள்ள 63வது லீக் ஆட்டத்தில் குஜராத் டைட்டன்ஸ் – கொல்கத்தா நைட் ரைடர்ஸ் மோத உள்ளன.

ஆட்டம் இரவு 7.30 மணியளவில் தொடங்குவதாக இருந்தது. ஆனால், மாலை முதல் அகமதாபாத்தில் கனமழை பெய்து வருகிறது.

இதன் காரணமாக டாஸ் சுண்டுவதில் தாமதம் ஏற்பட்டுள்ளது. 7.30 மணிக்கு தொடக்கவேண்டிய ஆட்டம் 9 மணியை நெருங்கும் நிலையில் இன்னும் தொடங்கவில்லை.

மழை தொடர்ந்து பெய்துவருவதால் இன்றைய ஆட்டம் ரத்து செய்யப்படலாம் என எதிர்பார்க்கப்படுகிறது.

அதேவேளை இரவு 11 மணிக்குள் மழை நின்றால் குறைந்தது 5 ஓவர்கள் ஆட்டமாக நடைபெற வாய்ப்பு உள்ளதாக தெரிவிக்கப்பட்டுள்ளது.

ஆனால் மழை தொடர்ந்து நீடித்தால் ஆட்டம் ரத்து செய்யப்படலாம் என தெரிவிக்கப்பட்டுள்ளது.

இன்றைய ஆட்டம் ரத்து செய்யப்படும்பட்சத்தில் பிளே ஆப் சுற்றுக்கு செல்லும் குஜராத் டைட்டன்சின் கனவு தகர்ந்துவிடும் என்பது குறிப்பிடத்தக்கது.