லிபியாவில் இருந்து ஐரோப்பா நோக்கி பயணித்த அகதிகள் படகு கவிழ்ந்து 9 பேர் பலி

அரசியல் ஸ்திரத்தன்மையற்ற லிபிய நாட்டின் கடற்கரையில் இருந்து ஐரோப்பாவுக்கு சிலர் படகு ஒன்றில் பயணம் மேற்கொண்டனர். அந்த படகில் பாகிஸ்தான், எகிப்து,சிரியா மற்றும் வங்காளதேச நாட்டை சேர்ந்தவர்களும் பயணித்து உள்ளனர்.

ஐரோப்பாவுக்கு சென்று விட்டால் நல்ல வேலை மற்றும் வாழ்க்கை கிடைக்கும் என்ற நம்பிக்கையுடன் சென்றுள்ளனர். ஆனால், அவர்களுக்கு துரதிர்ஷ்டமே காத்திருந்தது.

மத்திய தரைக்கடல் வழியே சென்ற அந்த அகதிகளின் படகு துனீசியா கடலோர பகுதியில் திடீரென கவிழ்ந்து விபத்திற்குள்ளானது. படகில் 53 பேர் இருந்தனர் என கூறப்படுகிறது.பலரின் நிலைமை என்னவென தெரியவில்லை.

இதுபற்றி வங்காளதேச அரசு நேற்று (20) வெளியிட்ட செய்தியில், வங்காளதேச நாட்டை சேர்ந்த 8 பேர் கடலில் மூழ்கி உயிரிழந்தனர் என தெரிவித்து உள்ளது.இதனை அந்நாட்டு வெளிவிவகார துறை உறுதிப்படுத்தியது.

அவர்களில் 5 பேர் வங்காளதேச நாட்டின் மதரிப்பூர் மற்றும் 3 பேர் கோபால்கஞ்ச் மாவட்டங்களை சேர்ந்தவர்கள் ஆவர். உயிரிழந்த வங்காளதேச நாட்டை சேர்ந்த 8 பேர் மற்றும் பாகிஸ்தானியர் ஒருவரின் உடல்கள் மீட்கப்பட்டு உள்ளன. தொடர்ந்து மீட்பு பணி நடந்து வருகிறது.

தொடர்புடைய செய்திகள்:

குரங்கு அம்மை குறித்து தகவல் வெளியிட்ட உலக சுகாதார அமைப்பு ஈபிள் கோபுரத்துக்கு வெடிகுண்டு மிரட்டல்! அவசர அவசரமாக வெளியேற்றப்பட்ட பார்வையாளர்கள் சமூக ஊடகங்கள் மூலம் நபிகள் நாயகம் மீது இழிவு!!! சவுதியில் இளம் பெண்ணுக்கு எதிராக சட்ட நடவடிக்கை 12 ஆண்டுகளுக்குப் பிறகு குழுவிலிருந்து வெளியேறும் மெட்டாவின் ஷெரில் சாண்ட்பெர்க்