ஜார்கண்டில் வாக்களிக்கச் சென்ற முதியவருக்கு நேர்ந்த கதி

ஜார்கண்ட் மாநிலம் கிழக்கு சிங்பூம் மாவட்டத்தில் உள்ள ஒரு கிராமத்தில் 71 வயது முதியவர் மக்களவைத் தேர்தலுக்கு வாக்களிக்கச் சென்றபோது காட்டு யானையால் தாக்கப்பட்டு உயிரிழந்துள்ளார்.

அந்த நபர் ஜாம்ஷெட்பூர் மக்களவைத் தொகுதியில் பஹரகோரா காவல் நிலைய எல்லைக்கு உட்பட்ட கோபர்பானி கிராமத்தில் வசிப்பவர் மற்றும் ‘பிரதான்’ (கிராமத் தலைவர்) ஆவார்.

ஜாம்ஷெட்பூர் நகரத்திலிருந்து 90 கி.மீ தொலைவில் கோபர்பானி காட்டில் அவர் சென்றபோது இந்த சம்பவம் நடந்ததாக போலீஸ் அதிகாரி ஒருவர் தெரிவித்தார்.

பாதிக்கப்பட்ட சுரேந்திர நாத் ஹன்ஸ்தா, முதுர்காம் பஞ்சாயத்துக்கு உட்பட்ட கோபர்பானியில் வசிக்கும் நபர், தனது வாக்குரிமையைப் பயன்படுத்துவதற்காக வீட்டை விட்டு வெளியேறினார்.

அவர் 135- டோலபேடா வாக்குச்சாவடி மையத்தை நோக்கிச் சென்று கொண்டிருந்தபோது, ​​யானை அவரைத் தாக்கியது என்று பாதிக்கப்பட்டவரின் மகன் திபேந்திர ஹன்ஸ்தா, தனது அறிக்கையில் எழுதினார்.

முதியவர் தப்பி ஓட முயன்றார், ஆனால் அவர் வாக்குச்சாவடி மையத்திலிருந்து 100 மீட்டர் தொலைவில் மிதித்து கொல்லப்பட்டார் என்று அவரது மகன் திபேந்திர ஹன்ஸ்தா தெரிவித்தார்.