பிரபல அமெரிக்கப் பாடகி Beyonce என்பவரால் சுவீடனில் பணவீக்கம் ஏற்பட்டுள்ளதாக கூறப்படுகின்றது.
அவரது வருகையால் சுவீடனின் பணவீக்கம் மோசமானதாகத் தெரிவிக்கப்பட்டுள்ளது.
“Queen B” என்று அழைக்கப்படும் அவர் சென்ற மாதம்தான் இசை நிகழ்ச்சிக்கான உலகப் பயணத்தைத் தொடங்கினார்.
அதன் தொடர்பில் சுவீடனின் Stockholm நகரில் நடைபெற்ற அவரின் இசை நிகழ்ச்சியால் அந்நாட்டின் பணவீக்கம் 0.3 சதவீதம் அதிகரித்திருக்கக்கூடும் என்று Danske வங்கியின் பொருளியல் நிபுணர் குறிப்பிட்டார்.
பியோன்சேயின் இசை நிகழ்ச்சியால் ஹோட்டல் கட்டணங்களும் உணவகங்களில் உணவின் விலையும் உயர்ந்ததே அதற்குக் காரணம் என்று அவர் குறிப்பிட்டுள்ளார்.
ஏற்கனவே சுவீடன் அரசாங்கம் நாட்டின் பணவீக்கத்தை 10 சதவீதத்திற்கு க்கீழ் கொண்டுவரச் சிரமப்பட்டு வருகிறது.
