புனித பேதுரு பேராலயத்தில் வைக்கப்பட்டுள்ள போப்பிரான்ஸின் உடல் : இலட்சக்கணக்கான மக்கள் அஞ்சலி!
காலமான புனித திருத்தந்தை பிரான்சிஸ் அவர்களின் உடல், இன்று (23) பொது அஞ்சலிக்காக புனித பேதுரு பேராலயத்தில் வைக்கப்பட்டுள்ளது.
அதன்படி, தற்போது லட்சக்கணக்கான கத்தோலிக்க பக்தர்கள் ரோம் மற்றும் வத்திக்கானுக்கு வந்து கொண்டிருப்பதாக தெரிவிக்கப்படுகிறது.
கடந்த திங்கட்கிழமை காலமான புனித திருத்தந்தை பிரான்சிஸின் இறுதிச் சடங்குகள் வரும் சனிக்கிழமை நடைபெற உள்ளன. அவரது இறுதிச் சடங்கிற்கான திட்டமும் வெளியிடப்பட்டது.
அடுத்த சனிக்கிழமை வரை உடல் புனித பீட்டர்ஸ் பசிலிக்காவில் அஞ்சலிக்காக வைக்கப்படும், பின்னர் இறுதிச் சடங்குக்காக புனித பீட்டர்ஸ் சதுக்கத்திற்கு எடுத்துச் செல்லப்படும்.
பின்னர் உடல் புனித பீட்டர் பசிலிக்காவிற்கும், பின்னர் அவரது இறுதி அடக்க இடமான புனித மேரி மேஜர் பசிலிக்காவிற்கும் கொண்டு செல்லப்படும்.
இந்த சந்தர்ப்பத்தில், சாலையின் இருபுறமும் மக்கள் கூடி போப்பிற்கு மரியாதை செலுத்த வாய்ப்பு வழங்கப்பட்டது.
இதற்கிடையில், போப் பிரான்சிஸின் இறுதிச் சடங்கில் பல உலகத் தலைவர்கள் கலந்து கொள்வார்கள் என்பது தற்போது உறுதிப்படுத்தப்பட்டுள்ளது.
அவர்களில் அமெரிக்க அதிபர் டொனால்ட் டிரம்ப், பிரெஞ்சு அதிபர் இம்மானுவேல் மக்ரோன், உக்ரைன் அதிபர் வோலோடிமிர் ஜெலென்ஸ்கி, பிரிட்டனின் பட்டத்து இளவரசர் வில்லியம் உள்ளிட்ட பல நாட்டுத் தலைவர்கள் உள்ளனர்.
இருப்பினும், ரஷ்ய அதிபர் விளாடிமிர் புடின் இந்த நிகழ்வில் கலந்து கொள்ள மாட்டார் என்று தெரிவிக்கப்படுகிறது.
