திருகோணமலையில் மோட்டார்சைக்கிள் மற்றும் வேன் விபத்து – மூவர் படுகாயம்
திருகோணமலை உட்துறைமுக வீதியால் பயணித்த மோட்டார் சைக்கிள் மீது வான் மோதியதில் மோட்டார் சைக்கிளில் பயணித்த மூவர் படுகாயமடைந்த நிலையில் திருகோணமலை பொது வைத்தியசாலையின் அனுமதிக்கப்பட்டுள்ளனர்.
குறித்த விபத்தில் டைக் வீதியைச் சேர்ந்த தாயும் இரண்டு பிள்ளையான ஜூட் கவிசாலினி (வயது 9), ஜுட் செரின் (வயது 6) என்ற இரு மாணவிகள் படுகாயமடைந்த நிலையில் திருகோணமலை வைத்தியசாலையில் தீவிர சிகிச்சைப் பிரிவில் சிகிச்சை பெற்று வருகின்றனர்.
இதில் 9 வயதான மாணவி மூளைச்சாவு அடைந்துள்ளதாகவும் வைத்தியசாலை வட்டாரங்கள் தெரிவிக்கின்றன. அத்துடன் குறித்த வானில் பயணித்த நோயாளி உயிரிழந்துள்ளதாகவும் தெரியவருகின்றது.
சம்பவம் தொடர்பாக மேலும் தெரியவருவதாவது,
திருகோணமலை உட்துறைமுகவீதி ஊடாக பிரத்தியேக வகுப்பை முடித்துவிட்டு தாயுடன் மோட்டார் சைக்கிளில் வீடு நோக்கி பயணித்த மோட்டார் சைக்கிள்மீது சீனக்குடாவில் இருந்து வைத்தியசாலைக்கு நோயாளி ஒருவரை ஏற்றி வந்த வேன் மோதியதில் இவ் விபத்துச் சம்பவம் இடம்பெற்றுள்ளதாக தெரியவருகின்றது.
குறித்த மாணவிகள் புனித மரியாள் கல்லூரி மாணவிகள் எனவும் தெரியவருகின்றது.
(Visited 7 times, 1 visits today)
