கற்பழிப்பு குற்றச்சாட்டுக்கு ஆளான இந்திய பிஷப்பின் ராஜினாமாவை ஏற்றுக்கொண்ட போப்

2014 முதல் 2016 வரை கன்னியாஸ்திரியை பலாத்காரம் செய்ததாக குற்றம் சாட்டப்பட்ட இந்திய பிஷப்பின் ராஜினாமாவை ஏற்றுக்கொண்டதாக வாடிகன் அறிவித்துள்ளது.

பஞ்சாப் மாநிலத்தில் உள்ள ஜலந்தர் நகரில் பிஷப்பாக இருந்தவர் பிராங்கோ முலக்கல்.

குற்றச்சாட்டை மறுத்த முலக்கல், கடந்த ஆண்டு கேரள மாநில விசாரணை நீதிமன்றத்தால் குற்றமற்றவர் என அறிவிக்கப்பட்டார்.

முலக்கலின் விடுதலைக்கு எதிரான மேல்முறையீடு கேரள உயர் நீதிமன்றத்தில் ஏற்கப்பட்டுள்ளதாக இந்தியாவிற்கான வாடிகனின் தூதரக பிரதிநிதி தெரிவித்தார்.

முலக்கல் தனது ராஜினாமாவை உறுதிப்படுத்தினார் மற்றும் கடினமான காலங்களில் தனக்கு ஆதரவாக நின்றதற்காக தனது ஆதரவாளர்களுக்கு நன்றி தெரிவித்தார்.

“இன்னும் பிளவுபடும் சூழ்நிலை” காரணமாக, “ஜலந்தர் மறைமாவட்டத்தின் நன்மைக்காக” முலக்கலின் ராஜினாமா கோரப்பட்டது மற்றும் புதிய பிஷப்பை உருவாக்க வழிவகை செய்யப்பட்டுள்ளது என்று வாடிகனின் தூதரக பிரதிநிதி ஒரு அறிக்கையில் தெரிவித்துள்ளார்,

இது முலக்கலுக்கு எதிரான ஒழுங்கு நடவடிக்கை அல்ல என்றார்.

தொடர்புடைய செய்திகள்:

இந்தியாவில் ஐபோன் தயாரிக்கவுள்ளதாக இந்திய அரசாங்கம் அறிவிப்பு கிரிப்டோ கரன்சி குறித்து இந்திய அரசு வெளியிட்டுள்ள அறிவிப்பு! அதிகரித்து வரும் கொவிட் 19 தொற்றுக்கு மத்தியில் விழிப்புணர்வை அதிகரிக்க ஆறு இந்திய மாநிலங்கள் அறிவுறுத்தியுள்ளன பாலியல் தொல்லைகள் மற்றும் கொடுமைகளுக்கு எதிராக கலாஷேத்திராவில் மாணவிகள் போராட்டம்