பிலிப்பைன்ஸின் (Philippines)  மிண்டானாவ் (Mindanao)  தீவின் கிழக்குப் பகுதியில் இன்று சக்திவாய்ந்த நிலநடுக்கம் பதிவாகியுள்ளது. 6.1 ரிக்டர் அளவில் பதிவான இந்நிலநடுக்கத்தால் கட்டடங்கள் குலுங்கியதாக தெரிவிக்கப்படுகிறது. ஆனால் எந்த உயிரிழப்பும் ஏற்படவில்லை என்று வெளிநாட்டு ஊடகங்கள் தகவல் வெளியிட்டுள்ளன. மிண்டானாவ் (Mindanao)  தீவின் கிழக்குப் பகுதியில் கடந்த வாரங்களில்  7.4 மற்றும் 6.7 என இரண்டு வலுவான நிலநடுக்கங்கள் இந்த மாதத்தில் மாத்திரம் ஏற்பட்டுள்ளன. சமீபகாலமாக பிலிப்பைன்ஸில் சக்திவாய்ந்த நிலநடுக்கங்கள் பதிவாகி வருகின்றமை குறிப்பிடத்தக்கது.  

உலகளவில் சுமார் 14 மில்லியன் பேர் கடுமையான பட்டினிக்கு தள்ளப்படும் அபாயம் ஏற்பட்டுள்ளதாக எச்சரிக்கை விடுக்கப்பட்டுள்ளது. உலக உணவுத் திட்ட அமைப்பு வெளியிட்டுள்ள எச்சரிக்கைக்கமைய, நன்கொடை வழங்குவோரின் எண்ணிக்கை கணிசமாகக் குறைந்துள்ளதால், இந்த அபாயம் ஏற்பட்டுள்ளது. கடந்த சில ஆண்டுகளில் உலகம் முழுவதும் உணவு நெருக்கடி தீவிரமடைந்துள்ளது. இந்த நிலையில், கொவிட் 19 பெருந்தொற்றுக்கு முன் 135 மில்லியன் பேர் பட்டினியால் பாதிக்கப்பட்டிருந்தனர். தற்போது, இது 319 மில்லியனாக அதிகரித்துள்ளதாக உலக உணவுத் திட்ட அமைப்பு தெரிவித்தது. […]

தாய்லாந்தில், பார்வையற்ற கணவர் வீட்டுக்கு வெளியே காத்திருந்தபோது, அவரது மனைவி வீட்டிற்குள் உயிரிழந்த சம்பவம் அதிர்ச்சியை ஏற்படுத்தியுள்ளது. 53 வயதான தாய்லாந்து பெண், இரண்டு மாடி வீட்டில் உயிரிழந்ததாக Bangkok Post செய்தி வெளியிட்டுள்ளது. அவரது கணவர் ஜெர்மனியைச் சேர்ந்தவராகும். கடந்த ஓராண்டாக இந்த தம்பதியினர் அந்த வீட்டில் வாடகைக்கு வசித்து வந்தனர். விபத்தில் கணவர் பார்வையை முழுவதுமாக இழந்தவர் என்பதால், மனைவியின் மரணத்தை அறிய முடியாமல், நீண்ட நேரம் அவருக்காக வீட்டுக்கு வெளியே காத்திருந்ததாகக் கூறப்படுகிறது. […]