இலங்கை VAT வரி உயர்வு – திருத்துவது குறித்து ஆலோசிப்பதாக கூறிய ஹர்ஷ டி சில்வா

சமூகத்தில் ஒடுக்கப்பட்ட மக்கள் இனி அழுத்தங்களுக்கு உள்ளாகாத வகையில் VAT வரியை திருத்துவதற்கு ஐக்கிய மக்கள் சக்தி, அரசாங்கத்துடன் அவசரமாக கலந்துரையாடவுள்ளதாக நாடாளுமன்ற உறுப்பினர் கலாநிதி ஹர்ஷ டி சில்வா தெரிவித்தார்.

இக்கலந்துரையாடலின் பின்னர், அம்புலன்ஸ், செயற்கைக் கால்கள் போன்ற சமூகப் பாதுகாப்பு உபகரணங்களின் மீதான VAT சுமையிலிருந்து மக்கள் விடுபட முடியும் என நம்புவதாக பாராளுமன்ற உறுப்பினர் தெரிவித்தார்.

எங்கிருந்தும் வரி வசூலிப்பது இல்லை, செலுத்தக்கூடியவர்களிடம் வரி வசூலிக்கும் திட்டம் தயாரிக்க வேண்டும்.வேட் வரியை உயர்த்தி அரசு வருவாயை ஈட்டுவது மக்களின் வாழ்வாதாரத்தை பாதிக்கும் என்றார்.

விவசாய விளை பொருட்களுக்கு வாட் வரி உயர்த்தப்பட்டதால் , விவசாயிகளுக்கு உரம் மற்றும் டீசல் தேவை, போன்றவற்றின் விலை அதிகரிப்பினால் உற்பத்தி குறைவடைந்து நாடு பாதகமான நிலைமைக்கு உள்ளாகும் எனவும் பாராளுமன்ற உறுப்பினர் சுட்டிக்காட்டினார்.

அவசரகாலத்தில் மக்களுக்கு உதவி செய்யும் சுவசெரிய போன்ற சேவைகளில் வரி வசூலிக்காமல், பணம் செலுத்தக்கூடியவர்களைக் கண்டறிந்து அவர்களிடமிருந்து வரி வசூலிக்க முறையான திட்டத்தை அமைக்கும் பொறுப்பு அமைச்சு அதிகாரிகளுக்கும் இருக்க வேண்டும் என்றார்.

வருமான வரி ஏய்ப்பு செய்பவர்களையும், வரி செலுத்தும் ஆவணங்களில் சேர்க்கப்படாதவர்களையும் கண்டுபிடித்து அவர்களிடமிருந்து பணத்தை வசூலிக்கலாம்.

எனவே, வற் வரி அதிகரிப்பினால் பாதிக்கப்பட்ட துறைகள் குறித்து அரசாங்கம் தெரிவித்து வருவதாகவும், இந்தப் பிரச்சினைக்கு அரசாங்கம் செவிசாய்க்கும் என நம்புவதாகவும் அவர் குறிப்பிட்டுள்ளார்.

இதனால், வற் வரி அதிகரிப்பு தொடர்பில் அரசாங்கத்துடன் தொடர்ந்து பேச்சுவார்த்தை நடத்தி மக்களை சாதகமாக்கிக் கொள்வதாகவும், இது தொடர்பில் எதிர்வரும் ஞாயிற்றுக்கிழமை வெளிப்படுத்தவுள்ளதாகவும் அவர் தெரிவித்துள்ளார்.