இந்தியாவில் இருந்து ஏற்றுமதி செய்யப்படும் பொருட்கள் 55 வீத வரிக்கு உட்பட்டதாக இருக்கும்!
இந்தியாவிலிருந்து அமெரிக்காவிற்கு ஏற்றுமதி செய்யப்படும் பொருட்களில் சுமார் 55 சதவீதம், ஜனாதிபதி டொனால்ட் டிரம்பின் நிர்வாகத்தால் விதிக்கப்பட்ட வரிக்கு உட்பட்டதாக இருக்கும் என்று இந்திய அரசு திங்களன்று தெரிவித்துள்ளது.
இந்தியா ரஷ்யாவில் இருந்து எண்ணெய் வாங்கியதற்கு தண்டனையாக, கடந்த வாரம், டிரம்ப் இந்தியப் பொருட்களுக்கு கூடுதலாக 25 சதவீத வரியை விதித்தார்.
இது அமெரிக்காவிற்கு இந்திய ஏற்றுமதிகள் மீதான மொத்த வரியை 50 சதவீதமாக உயர்த்தியது – இது எந்த அமெரிக்க வர்த்தக கூட்டாளியின் மீதும் இல்லாத அதிகபட்ச வரியாகும்.
திங்கட்கிழமை மதிப்பீட்டை வழங்கும் போது டிரம்ப் ஆரம்பத்தில் பொருட்களுக்கு விதித்த 25 சதவீத வரியை இந்திய அரசு கணக்கில் எடுத்துக்கொண்டதாக, இந்தியாவின் இளநிலை நிதியமைச்சர் பங்கஜ் சவுத்ரி, ஒரு சட்டமன்ற உறுப்பினரின் கேள்விக்கு எழுத்துப்பூர்வமாக பதிலளித்தார்.
“நிலைமை குறித்த அவர்களின் மதிப்பீட்டின் கருத்துகளைப் பெறுவதற்காக ஏற்றுமதியாளர்கள் மற்றும் தொழில்துறை உட்பட அனைத்து பங்குதாரர்களுடனும் வர்த்தகத் துறை ஈடுபட்டுள்ளது,” என்று சவுத்ரி மேலும் கூறினார்.
உலகின் மிகப்பெரிய மற்றும் ஐந்தாவது பெரிய பொருளாதாரங்களான அமெரிக்காவிற்கும் இந்தியாவிற்கும் இடையிலான பொருட்கள் வர்த்தகம் கடந்த நிதியாண்டில் சுமார் $87 பில்லியன் மதிப்புடையதாக இருந்தது என்று இந்திய அரசாங்க மதிப்பீடுகள் தெரிவிக்கின்றன.
