வடக்கு காசாவில் பெண் பணயக் கைதி ஒருவர் கொலை

வடக்கு காசாவில் இஸ்ரேலிய நடவடிக்கைகளின் போது பெண் பிணைக் கைதி கொல்லப்பட்டதாக ஹமாஸ் தெரிவித்துள்ளது.

அந்தப் பெண்ணின் அடையாளம் வெளியிடப்படவில்லை, மேலும் அவர் எப்படி அல்லது எப்போது இறந்தார் என்பது தெளிவாகத் தெரியவில்லை.

இஸ்ரேல் பாதுகாப்புப் படைகள் (IDF) தற்சமயம் கூற்றை “சரிபார்க்கவோ அல்லது மறுக்கவோ” முடியவில்லை, ஆனால் அதன் பிரதிநிதிகள் பெண்ணின் குடும்பத்தினருடன் தொடர்பில் இருப்பதாகக் தெரிவித்துள்ளத.

“இன்று மாலை பயங்கரவாத அமைப்பான ஹமாஸ் ஒரு ஆவணத்தை வெளியிட்டது, அதில் கடத்தப்பட்ட ஒரு பெண் கொல்லப்பட்டதாகக் கூறப்படுகிறது,” என்று IDF ஒரு அறிக்கையில் தெரிவித்துள்ளது.

ஹமாஸின் இராணுவப் பிரிவான அல்-கஸ்ஸாம் படைப்பிரிவின் செய்தித் தொடர்பாளர் அபு உபேதா, அந்தப் பெண்ணிடம் இருந்த மற்றொரு பெண் பணயக்கைதி காயமடைந்துள்ளதாகவும், அவளது உயிருக்கு ஆபத்து இருப்பதாகவும் தெரிவித்தார்.