இந்தோனேசியாவை சூழ்ந்த கருமேகங்கள் : எரிமலை வெடிப்பால் அச்சத்தில் மக்கள்!!

இந்தோனேசியாவின் வடக்கு மலுகு மாகாணத்தில் உள்ள மவுண்ட் இபு என்ற எரிமலை வெடித்துள்ளது.

இது ஐந்து நிமிடங்களுக்கு 5,000 மீட்டர் உயரத்தில் அடர்த்தியான சாம்பல் மற்றும் கருமேகங்களை உமிழ்ந்து வருவதாக அந்நாட்டு அதிகாரிகள் தெரிவித்துள்ளனர்.

குறித்த சாம்பலில் இருந்து மக்கள் தங்களை பாதுகாக்க முகமூடி அணியுமாறு வலியுறுத்தப்பட்டுள்ளது. அத்துடன் கண், கை,கால்களை பாதுகாத்துக்கொள்ளுமாறும் வலியுறுத்தப்பட்டுள்ளது.

சேதம் அல்லது உயிரிழப்பு குறித்து இதுவரை எந்த தகவலும் இல்லை. குறித்த பகுதியில் நிலநடுக்கங்கள் இன்னும் தீவிரமாக இருப்பதாக கூறப்படுகிறது.

ஆகவே எதிர்காலத்திலும் எரிமலை வெடிக்கும் அபாயம் இருப்பதாக ஆய்வாளர்கள் எச்சரிக்கை விடுத்துள்ளனர்.