குரோஷிய துணைப் பிரதமர் ஜோசிப் டாப்ரோ பதவி விலகல்

குரோஷியாவின் துணைப் பிரதமர் ஜோசிப் டாப்ரோ ஓடும் காரில் இருந்து திடீரென துப்பாக்கிச் சூடு நடத்தும் காட்சிகள் வெளியானதை அடுத்து ராஜினாமா செய்துள்ளார்.

வீடியோவில், ஜோசிப் டாப்ரோ பயணிகள் இருக்கையில் அமர்ந்து பேசிக் கொண்டிருப்பதையும், சிரித்துக்கொண்டே உரத்த இசையுடன் பாடிக்கொண்டிருப்பதையும், பின்னர் ஒரு துப்பாக்கியை எடுத்து ஜன்னல் வழியாக இருட்டில் சுடுவதையும் காணலாம்.

தீவிர வலதுசாரி தேசியவாதக் கட்சியான தாயக இயக்கத்தைப் பிரதிநிதித்துவப்படுத்தும் டாப்ரோ, இந்த வீடியோ பல ஆண்டுகள் பழமையானது என்றும், அவர் பயிற்சி தோட்டாக்களை சுட்டதாகவும் தெரிவித்துள்ளார்.

வேளாண்மை, வனவியல் மற்றும் மீன்வளத்துறை அமைச்சராகவும் இருந்த டாப்ரோ, பேஸ்புக்கில் வெளியிடப்பட்ட ராஜினாமா அறிக்கையில், அரசாங்கத்திற்கு ஒரு கவனச்சிதறலாக இருக்க விரும்பவில்லை என்று குறிப்பிட்டார்.

துறையை சீர்திருத்தும் திட்டங்கள் தொடர்பாக “குறிப்பிடத்தக்க அழுத்தம் மற்றும் அச்சுறுத்தல்களுக்கு” ஆளானதாக அவர் தெரிவித்தார்.

டாப்ரோவின் கட்சி, பிரதமர் ஆண்ட்ரேஜ் பிளென்கோவிச்சின் மைய-வலது குரோஷிய ஜனநாயக ஒன்றியம் (HDZ) கட்சியுடன் கூட்டணி அரசாங்கத்தில் உள்ளது குறிப்பிடத்தக்கது.