பிரித்தானிய குடும்பத்தைச் சேர்ந்த 11 வயது சிறுமி பிரான்சில் சுட்டுக் கொல்லப்பட்டார்

வடமேற்கு பிரான்சில் அண்டை வீட்டாருக்கு இடையே ஏற்பட்ட தகராறில், பிரிட்டிஷ் குடும்பத்தைச் சேர்ந்த 11 வயது சிறுமி சுட்டுக் கொல்லப்பட்டுள்ளார்.

சிறுமியின் பெற்றோர் காயமடைந்ததாகவும், அவரது எட்டு வயது சகோதரி “அதிர்ச்சியில்” இருப்பதாகவும் பிரெஞ்சு ஊடகங்கள் தெரிவித்தன.

பிரான்சில் துப்பாக்கிச் சூடு சம்பவத்தைத் தொடர்ந்து பிரித்தானிய குடும்பம் ஒன்றிற்கு உதவி வழங்குவதாக இங்கிலாந்து வெளியுறவு அலுவலகம் தெரிவித்துள்ளது.

பிரிட்டானியில் உள்ள குயிம்பர் அருகே உள்ள செயிண்ட்-ஹெர்போட் என்ற கிராமத்தில் சனிக்கிழமை மாலை இந்த சம்பவம் நடந்துள்ளது.

நெதர்லாந்து பிரஜை என தெரிவிக்கப்பட்டுள்ள சந்தேக நபரும் அவரது மனைவியும் கைது செய்யப்பட்டுள்ளதாக உள்ளூர் ஊடகங்கள் செய்தி வெளியிட்டுள்ளன.

இந்த சோகத்திற்கான காரணம் இன்னும் அறியப்படவில்லை, ஆனால் இரண்டு சொத்துக்களை ஒட்டிய நிலம் தொடர்பாக பல ஆண்டுகளாக மோதல் இருந்ததாக உள்ளூர் வழக்கறிஞர் கரீன் ஹாலி கூறினார்.

சம்பவம் குறித்து விசாரணைகள் முன்னெடுக்கப்பட்டுள்ளதாக பிரான்ஸ் அதிகாரிகள் தெரிவித்துள்ளனர்.

தொடர்புடைய செய்திகள்:

நேட்டோவில் இணையும் பின்லாந்து : ரஷ்யாவின் அடுத்த திட்டம் என்ன? நேட்டோவின் 31 ஆவது உறுப்பினராக பின்லாந்து இன்று (04) இணையவுள்ளது. முன்னதாக ரஷ்யா உக்ரைன் மீது படையெடுத்தபோது, நேட்டோ கூட்டணியில் இணைவதாலேயே சிறப்பு இராணுவ நடவடிக்கையை மேற்கொண்டதாக மொஸ்கோ கூறியது. ஆனால் ரஷ்யாவின் இந்த போர் நடவடிக்கைதான் பின்லாந்து நேட்டோவில் சேர விண்ணப்பித்தமைக்கு காரணமாக மாறியுள்ளது. இதற்கிடையே போரில் உக்ரைன் வெற்றிப்பெற்றவுடன் நேட்டோவில் சேரும் என நேட்டோ தலைவர் ஜென்ஸ் ஸ்டோல்டன் பேர்க் கூறினார். இந்நிலையில், பின்லாந்தில் நேட்டோ உறுப்பினர்களின் படைகள், வளங்கள் நிலைநிறுத்தப்பட்டால் ரஷ்யா இராணுவ பாதுகாப்பை உறுதிப்படுத்த கூடுதல் நடவடிக்கை எடுக்கப்படும் எனத் தெரிவித்துள்ளது. கிழக்கு லண்டனில் ஏற்பட்ட தீ விபத்தில் ஒருவர் உயிரிழந்துள்ளதுடன் ஐவர் காயமடைந்துள்ளனர் மேற்குக் கரை துப்பாக்கிச் சூட்டில் கொல்லப்பட்ட இரண்டு பிரிட்டிஷ் சகோதரிகளின் பெயர் வெளியானது உக்ரைனின் இரு முக்கிய நகரங்களை தாக்கிய ரஷ்ய ராணுவப் படை; கண்டனம் தெரிவித்துள்ள ஜெலென்ஸ்கி