பிரான்ஸில் சுற்றிவளைப்பிற்கு சென்ற பொலிஸாருக்கு காத்திருந்த அதிர்ச்சி

பிரான்ஸில் போதைப்பொருளுக்கு எதிரான நடவடிக்கை ஒன்றின் போது, பாரிய அளவு ஆயுதங்கள், பெருமளவு பணம், போதைப்பொருட்கள் போன்றவை கைப்பற்றப்பட்டுள்ளன.

போதைப்பொருள் தடுப்பு பிரிவினரும், காவல்துறையினரும் இணைந்து கடந்த செவ்வாய்க்கிழமை Seine-et-Marne நகரில் நடவடிக்கை ஒன்றில் ஈடுபட்டனர்.

அதன்போது வீடொன்றுக்குள் பதுக்கிவைக்கப்பட்டிருந்த 11 வெடிகுண்டுகள், ரைஃபிள் வகை துப்பாக்கிகள், தானியங்கி பிஸ்ட்டல் வகை துப்பாக்கிகள், 210,000 யூரோக்கள் பணம், 65 கிலோ கஞ்சா போதைப்பொருள் போன்றவற்றை கைப்பற்றினர்.

அதேவேளை, சம்பவ இடத்தில் இருந்து எவரையும் கைது செய்யவில்லை எனவும் தெரிவிக்கப்பட்டுள்ளது.

கடந்த சில மாதங்களாக இடம்பெற்றுவந்த விசாரணைகளை அடுத்தே மேற்படி நடவடிக்கை மேற்கொள்ளப்பட்டிருந்தது. குற்றவாளிகள் தேடப்பட்டு வருகின்றனர்.