விளையாட்டு துறை அமைச்சில் பணம் கொட்டிக் கிடக்கிறதாம்!

தனது கடமைகளை நிறைவேற்றுவதில் பல்வேறு இடையூறுகளை எதிர்நோக்கி வருவதாகக் கூறிய விளையாட்டுத்துறை அமைச்சர் ரொஷான் ரணசிங்க, விளையாட்டுத்துறை அமைச்சர் பதவிக்கு அரசாங்கத்தில் உள்ள சிலர் ஆசைப்படுவதாக தெரிவித்தார்.

பாராளுமன்றத்தில் நேற்று (24.08) இடம்பெற்ற விவாதத்தில் கலந்துகொண்டு கருத்து வெளியிட்ட அவர் இவ்வாறு கூறிள்ளார்.

இதன்போது மேலும் தெரிவித்த அவர், ”இன்றும் தமக்கும் ஜனாதிபதிக்கும் இடையில் பிரச்சினைகளை ஏற்படுத்த சிலர் முயற்சிக்கின்றனர். நான் அமைச்சரவையின் ஆதரவைப் பெற வேண்டும். நான் உண்மையைச் சொல்ல வேண்டும். எனக்கு தடைகள் உள்ளன.

சிலர் விளையாட்டுத்துறை அமைச்சருக்கு ஆசைப்படுகிறார்கள். எனக்கும் ஜனாதிபதிக்கும் இடையில் பிரச்சினைகளை ஏற்படுத்த சிலர் முயற்சிக்கின்றனர். விளையாட்டுக் கழகங்களில் உள்ள பணம்தான் இதற்கு முக்கிய காரணம்’’ என்றார்.