புளோரிடாவில் $68 மில்லியன் மதிப்பிலான மாளிகையை வாங்கும் பெசோஸ்

உலக பணக்காரர்களில் 3-வது இடத்தில் அமேசான் நிறுவன தலைவர் ஜெப் பெசோஸ் உள்ளார். இவர் தனது மனைவி மெக்கென்சி ஸ்காட்டை கடந்த 2019-ம் ஆண்டு விவாகரத்து செய்தார். அதன்பின் லாரன் சான்செஸ் என்பவரை காதலித்து வருகிறார்.

இருவரும் விரைவில் திருமணம் செய்து கொள்ள உள்ளனர். இந்த நிலையில் ஜெப் பெசோஸ் தனது வருங்கால மனைவிக்காக சொகுசு பங்களா ஒன்றை வாங்கி உள்ளார்.

அமெரிக்காவின் புளோரிடா மாகாணம் இந்தியன் க்ரீக் தீவில் உள்ள பங்களாவை ரூ.564 கோடிக்கு வாங்கினார். 1965-ம் ஆண்டு கட்டப்பட்ட இந்த பங்களா 1985-ம் ஆண்டு விரிவுப் படுத்தப்பட்டது.

இது 2.8 ஏக்கர் நிலப்பரப்பில் 9259 சதுர அடியில் அமைக்கப்பட்டுள்ளது. 3 படுக்கை அறைகளும், 3 குளியல் அறைகளும் கொண்ட இந்த பங்களாவில் சொகுசு வசதிகள் உள்ளன.

மேலும் பங்களாவை புதுப்பித்து புதிய மெகா மாளிகையை ஜெப் பெசோஸ் உருவாக்க முடிவு செய்துள்ளதாக தகவல்கள் வெளியாகி இருக்கிறது.

சில மாதங்களுக்கு முன்பு லாரன் சான்செசுக்கு ரூ.20 கோடி மதிப்பிலான வைர மோதிரத்தை வழங்கி காதலை வெளிப்படுத்தினார். தற்போது காதலிக்காக சொகுசு பங்களாவை வாங்கி உள்ளார்.

தொடர்புடைய செய்திகள்:

விமானத்தில் அநாகரீகமாக நடந்துகொண்ட அமெரிக்க பெண் கனடாவின் முன்னாள் பிரதமர் பிரையன் முல்ரோனி காலமானார் 12 வினாடிகளில் $25 மில்லியன் திருடிய அமெரிக்க சகோதரர்கள் கைது நான்சி பெலோசியின் கணவரை தாக்கிய நபருக்கு 30 ஆண்டுகள் சிறைத்தண்டனை குடிநீரில் 2 மடங்கு புளோரைடு – அமெரிக்கா விடுத்த எச்சரிக்கை கமலா ஹாரிஸின் பணியாளரை பாலியல் பலாத்காரம் செய்த அமெரிக்க ரகசிய சேவை முகவர்