இஸ்ரேலின் பல இடங்களில் துப்பாக்கிச்சூடு – ஆபத்தான நிலையில் இருவர்!

இஸ்ரேலில் இன்றைய தினம் பல துப்பாக்கிச்சூட்டு சம்பவங்கள் பதிவாகியதாக தெரிவிக்கப்பட்டுள்ளது.

இதில் ஒருவர் உயிரிழந்துள்ளதுடன், மேலும் 05 பேர் காயமடைந்துள்ளதாக அதிகாரிகள் தெரிவித்துள்ளனர்.

சுமார் 35 வயதுடைய ஒருவர் துப்பாக்கிச் சூட்டுக் காயங்களால் உயிரிழந்ததாக இஸ்ரேலின் அவசர சேவையான மாகன் டேவிட் அடோம் ( Magen David Adom) தெரிவித்துள்ளது.

மேலும் இருவர் ஆபத்தான உடற்காயங்களுடன் சிகிச்சைப் பெற்று வருவதாக அந்நாட்டு பொலிஸார் அறிவித்துள்ளனர்.

இதேவேளை தாக்குதலுடன் தொடர்புடைய நபர் ஒருவர் சுட்டுக் கொல்லப்பட்டதாகவும்,  மற்றொரு நபரை தேடும் பணிகள் ஆரம்பிக்கப்பட்டுள்ளதாகவும் அதிகாரிகள் தெரிவித்துள்ளனர்.