விஜித ஹேரத் நாளை ஜேர்மன் பயணம்!

இலங்கை வெளிவிவகார அமைச்சர் விஜித ஹேரத் Vijitha Herath இரு நாள்கள் உத்தியோகப்பூர்வ பயணம் மேற்கொண்டு நாளை (26) ஜேர்மன் செல்கின்றார்.

ஜேர்மன், ஆசிய பசிபிக் வணிக சங்கம் மற்றும் பிரெமன் அத்தியாயத்தால் வழங்கப்பட்ட அழைப்பின் பிரகாரமே இவ்விஜயம் இடம்பெறுகின்றது.

இதன்போத வர்த்தகம் மற்றும் வெளிநாட்டு வேலைவாய்ப்பு தொடர்பான தொடர் கூட்டங்களில் அவர் பங்கேற்கவுள்ளார் என்று வெளிவிவகார அமைச்சு வெளியிட்டுள்ள அறிக்கையில் தெரிவிக்கப்பட்டுள்ளது.

ஆசிய பசிபிக் வணிக சங்கத்தின் பிரெமன் அத்தியாயத்தின் 125 ஆவது ஆண்டு விழா தொடர்பான நிகழ்வுகளில் ஆசியாவிலிருந்து கௌரவ விருந்தினராகவும், முக்கிய பேச்சாளராகவும் அமைச்சர் விஜித ஹேரத் பங்கேற்கின்றார்.

ஜேர்மன் அமைச்சர் மற்றும் அதிகாரிகள் உள்ளிட்ட தரப்புகளுடன் முக்கிய சந்திப்புகளிலும் ஈடுபடவுள்ளார்.