இலங்கையில் 10000 ரூபாயால் அதிகரித்த தங்கத்தின் விலை!

உலக சந்தையில் தங்கத்தின் விலை கணிசமாக உயர்ந்ததைத் தொடர்ந்து இலங்கையில் தங்கத்தின் விலை உயர்ந்துள்ளது.

இதற்கமைய உலக சந்தையில் இன்று   தங்கத்தின் விலை அவுன்ஸ் ஒன்றுக்கு 4,212 அமெரிக்க டொலர்களைத் தாண்டியது.

இதற்கு ஏற்ப இலங்கையில் தங்கத்தின் விலை இன்று சுமார்   10,000 ரூபாயால் அதிகரித்துள்ளது.

அதன்படி, கொழும்பு புறக்கோட்டை தங்கச் சந்தையில் 22 காரட் தங்கத்தின் விலை ரூ. 310,800 ஆக உயர்ந்துள்ளது, இது நேற்று (12)   301,500 ரூபாயாக  இருந்தது.

இதற்கிடையில், நேற்று சுமார்   326,000 ரூபாயாக  இருந்த 24 காரட் தங்கத்தின் விலை இன்று  336,000 ரூபாயாக  உயர்ந்துள்ளதாக வர்த்தகர்கள் தெரிவித்தனர்.