இஸ்ரேல் ஊழியர்கள் ஹமாஸுடன் தொடர்பு வைத்திருப்பதாக குற்றச்சாட்டு ;ஆதாரம் கேட்கும் ஐ.நா

ஐக்கிய நாடுகள் நிறுவனத்தின் மனிதாபிமான விவகாரங்கள் ஒருங்கிணைப்புப் பிரிவைச் சேர்ந்த ஊழியர்களுக்கும் ஹமாஸ் போராளிகளுக்கும் இடையே தொடர்பு உள்ளதாக இஸ்ரேல் குற்றம் சாட்டியுள்ளது.

இதற்கான ஆதாரங்கள் தன்னிடம் இருப்பதாக அது தெரிவித்தது.அந்த ஆதாரங்களைத் தம்மிடம் காட்டும்படி அப்பிரிவின் தலைவர் டாம் ஃபிளட்சர் கூறியுள்ளார்.

ஃபிளட்சரும் ஐக்கிய நாடுகள் நிறுவனத்தின் மனிதாபிமான விவகாரங்கள் ஒருங்கிணைப்புப் பிரிவும் நடுநிலையுடன் நடந்துகொள்ளவில்லை என்று ஐநா பாதுகாப்பு மன்றக் கூட்டத்தில் ஐநாவுக்கான இஸ்‌ரேலியத் தூதர் டேனி டனோன் தெரிவித்தார்.

எனவே, அப்பிரிவைச் சேர்ந்த ஊழியர்கள் பாதுகாப்புச் சோதனைக்கு உட்படுத்தப்படுவர் என்றும் அவர்களுக்கான விசா ஒரு மாதத்துக்கு மட்டுமே வழங்கப்படும் என்றும் டனோன் கூறினார்.