சல்மான் கானைத் தொடர்ந்து ஷாருக்கானுக்கு கொலை மிரட்டல்… பாலிவுட்டில் பரபரப்பு

ஷாருக்கான் மற்றும் சல்மான் கான் இருவரும் சர்வதேச அளவில் ஏராளமான ரசிகர்களின் மனம் கவர்ந்த நாயகர்களாக பல ஆண்டுகளாக பாலிவுட்டில் இருந்து வருகின்றனர்.

சல்மான்கானுக்கு கடந்த சில தினங்களுக்கு முன்னதாக கொலை மிரட்டல் விடப்பட்டிருந்தது. இந்த கொலை மிரட்டலையடுத்து அவருக்கு பாதுகாப்பு தீவிரப்படுத்தப்பட்டது.

இந்த விவகாரத்தில் ஒருவரை போலீசார் கைது செய்துள்ளனர். இந்நிலையில் இன்றைய தினம் ஷாருக்கானுக்கு கொலை மிரட்டல் விடப்பட்டுள்ளது.

சில கோடிகளை கேட்டு அவருக்கு இந்த மிரட்டல் விடப்பட்டுள்ளதாக போலீசார் தரப்பில் கூறப்பட்டுள்ளது.

கடந்த ஆண்டு அக்டோபரிலேயே ஷாருக்கானிற்கு கொலை மிரட்டல் விடப்பட்டிருந்தது. இதையடுத்து அவருக்கு ஒய் பிளஸ் பாதுகாப்பு கொடுக்கப்பட்டிருந்தது. இதன்படி ஆயுதமேந்திய 6 போலீசார் 24 மணிநேரமும் இவருக்கு பாதுகாப்பு வழங்கி வந்தனர்.

இந்நிலையில் தற்போது அவருக்கு மீண்டும் கொலை மிரட்டல் விடுக்கப்பட்டுள்ளது. சட்டீஸ்கர் மாநிலம் ராய்ப்பூரை சேர்ந்த ஃபைசான் கான் என்பவர் இந்த கொலை மிரட்டலை அவரது தொலைபேசி மூலம் விடுத்துள்ளதாக போலீசார் தெரிவித்துள்ளனர்.

அந்த செல்போன் நம்பரை வைத்து அவரை தற்போது போலீசார் தேடி வருகின்றனர்.

இதையடுத்து ஷாருக்கானுக்கு பாதுகாப்பு தீவிரப் படுத்தப்பட்டுள்ளது.

தொடர்புடைய செய்திகள்:

‘GOAT’ பட முதல் சிங்கிள் பாடல்… வெளியானது டீசர் எதற்காக பொண்டாட்டின்னு என் கூட ஆட்டம் போட்ட? சீமானை வச்சி செய்யும் விஜயலட்சுமி AI தொழில்நுட்பத்தில் விஜயகாந்தை பயன்படுத்த தடை? தேமுதிக அதிரடி – பிரேமலதாவின் பதில் என்ன? தங்கலான் படத்துக்கு வெற்றி நிச்சயம் – சொன்னது எந்த டாப் நடிகர் தெரியுமா? சிறகடிக்க ஆசை சீரியலில் என்ட்ரி கொடுக்கும் புதிய நடிகர்… திமிரா பேசிய அர்னவ்… திட்டி வெளியே அனுப்பிய விஜய் சேதுபதி