ஆழ்துளை கிணற்றில் சிக்கிய 2 வயது குழந்தை… 20 மணி நேர போராட்டத்திற்கு பின் பத்திரமாக மீட்பு!

கர்நாடகாவில் 16 அடி ஆழமுள்ள ஆழ்துளை கிணற்றில் சிக்கிய இரண்டு வயது குழந்தை 20 மணி நேர போராட்டத்திற்கு பிறகு பத்திரமாக மீட்கப்பட்டுள்ளது.

கர்நாடக மாவட்டத்தில் தற்போது தண்ணீர் பஞ்சம் தலைவிரித்தாடி வருகிறது. இதனால் பல்வேறு இடங்களிலும் ஆழ்துளை கிணறுகள் அமைக்கும் பணியில் விவசாயிகள் ஈடுபட்டு வருகின்றனர். இதன் ஒரு பகுதியாக கர்நாடகாவின் விஜயபுரா மாவட்டத்தில் கடந்த செவ்வாய்க்கிழமை அன்று, சந்திரப்பா என்பவர் நிலத்தில் ஆழ்துளை கிணறு ஒன்று தோண்டப்பட்டுள்ளது. சுமார் 16 அடி ஆழத்திற்கு தோண்டிய போது, கிணறு தோண்டும் பணியில் ஈடுபட்டிருந்த வாகனம் பழுதடைந்ததாக கூறப்படுகிறது. இதனால் அந்த குழியை மூடாமல் விட்டுள்ளனர்.

இந்த நிலையில் நேற்று மாலை 6:30 மணியளவில் அந்த வழியே சென்ற ஒருவர் ஆழ்துளை கிணற்றிலிருந்து குழந்தை ஒன்று அழுகும் சத்தம் கேட்டு சந்தேகம் அடைந்து உள்ளே எட்டிப் பார்த்துள்ளார். அப்போது குழந்தை ஒன்று உள்ளே இருப்பதை அறிந்தவுடன் அவர் உடனடியாக அருகாமையில் இருந்தவர்களுக்கு தகவல் தெரிவித்தார்.

இதையடுத்து தேசிய பேரிடர் மீட்பு படையினர், தீயணைப்பு துறையினர் உள்ளிட்டோர் சம்பவ இடத்திற்கு உடனடியாக விரைந்து வந்தனர். அப்போது தான், ஆழ்துளை கிணற்றில் விழுந்த குழந்தை சந்திரப்பாவின் 2 வயது பேரன் சாத்விக் என்பது தெரியவந்தது.

குழந்தை 16 அடி ஆழத்தில் சிக்கி இருப்பது தெரியவந்த நிலையில், தலைக்குப்புற விழுந்து இருந்ததும் தெரியவந்தது. உடனடியாக குழந்தைக்கு ஆக்ஸிஜன் உள்ளிட்ட வசதிகள் செய்து கொடுக்கப்பட்டதோடு, அருகில் 20 அடி ஆழத்திற்கு மற்றொரு கிணறு தோண்டி குழந்தையை மீட்கும் பணிகள் தீவிரப்படுத்தப்பட்டது. சுமார் 20 மணி நேரமாக மீட்புப் படையினர் தீவிர மீட்புப் பணிகளில் ஈடுபட்டு வந்த நிலையில் இன்று மதியம் 1.30 மணி அளவில் சிறுவன் பத்திரமாக உயிருடன் மீட்கப்பட்டுள்ளதாக மீட்புப் படையினர் தெரிவித்துள்ளனர்.

மருத்துவ சிகிச்சைக்காக தற்போது சிறுவன் மருத்துவமனைக்கு அனுப்பி வைக்கப்பட்டுள்ளார். இது தொடர்பாக பொலிஸார் தற்போது தீவிர விசாரணை மேற்கொண்டு வருகின்றனர்.

See also  இந்தியா- உத்தரகாண்ட் பேருந்து விபத்தில் உயிரிழந்தோர் எண்ணிக்கை 36 ஆக அதிகரிப்பு

தொடர்புடைய செய்திகள்:

மத்திய பிரதேசத்தில் தெருநாய்கள் தாக்கியதில் 2 வயது சிறுவன் பரிதாபமாக உயிரிழப்பு! இந்தியா தலைமையிலான முக்கிய கூட்டணியில் இணைந்த 16 நாடுகள் டெல்லி – மருத்துவர்களின் 12 மணி நேர போராட்டத்தால் பெயிண்டருக்கு மீண்டும் கிடைத்த ‘கை’ மாட்டிறைச்சி விவகாரம் : காராஷ்டிர எதிர்க்கட்சித் தலைவரின் கேள்விக்கு கங்கனா ரணாவத் பதிலடி உலகலாவிய விநியோக சங்கிலியில் தவிர்க்க முடியாத நாடாக உருவெடுக்கும் இந்தியா! 2024-25ம் ஆண்டில் 1.3 லட்சம் கோடி முதலீடு செய்யவுள்ள அதானி குழுமம்