ஜிம்பாப்வேயில் நடந்த அரசாங்க எதிர்ப்பு ஆர்ப்பாட்டத்தில் 95 பேர் கைது

ஜனாதிபதி எம்மர்சன் மனாங்காக்வாவை பதவி விலகக் கோரிய ஆர்ப்பாட்டங்களில் பங்கேற்றதற்காக பொது வன்முறையை ஊக்குவித்த குற்றச்சாட்டில் 95 பேரை கைது செய்துள்ளதாக ஜிம்பாப்வே போலீசார் தெரிவித்தனர்.

ஜிம்பாப்வேயின் தலைநகரான ஹராரே மற்றும் பிற நகரங்களில் ஒரு பெரிய போலீஸ் படை குவிக்கப்பட்டதால், மனாங்காக்வாவின் ஆட்சியை நீட்டிக்கும் திட்டங்களுக்கு எதிரான பெரிய போராட்டங்களுக்கு போர் வீரர்கள் விடுத்த அழைப்பு பெரும்பாலும் முறியடிக்கப்பட்டது.

ஜிம்பாப்வேயின் ஆளும் ZANU-PF கட்சி ஜனவரி மாதம் மனாங்காக்வாவின் பதவிக் காலத்தை 2030 வரை இரண்டு ஆண்டுகள் நீட்டிக்க விரும்புவதாகக் தெரிவித்துள்ளது.

தனது நீண்டகால வழிகாட்டியான ராபர்ட் முகாபே இராணுவ சதிப்புரட்சியில் பதவி நீக்கம் செய்யப்பட்ட பின்னர் 2017 இல் முதன்முதலில் ஆட்சிக்கு வந்த எண்பத்திரண்டு வயதான மனாங்காக்வா, தனது இறுதி பதவிக் காலத்தை முடித்து வருகிறார்.