கேரளாவில் சிறுமியை பாலியல் வன்கொடுமை செய்த 32 வயது இளைஞருக்கு ஆயுள் தண்டனை

நான்கு ஆண்டுகளுக்கு முன்பு கேரளாவில் ஒரு சிறுமியை அவரது வீட்டிற்கு அருகில் பாலியல் பலாத்காரம் செய்ததற்காக 32 வயது நபருக்கு சாகும் வரை சிறைத்தண்டனை விதித்து கேரள நீதிமன்றம் தீர்ப்பளித்துள்ளது.

பைனாவு விரைவு நீதிமன்ற நீதிபதி லைஜுமோல் ஷெரிப், குற்றம் சாட்டப்பட்ட ஆண்டனிக்கு ஐபிசி மற்றும் பாலியல் குற்றங்களிலிருந்து குழந்தைகளைப் பாதுகாத்தல் (போக்சோ) சட்டத்தின் பிரிவுகளின் கீழ் இரட்டை ஆயுள் தண்டனை விதித்து தீர்ப்பளித்தார்.

குற்றம் சாட்டப்பட்டவருக்கு நீதிமன்றம் 3.11 லட்சம் அபராதம் விதித்தது, மேலும் அந்தத் தொகையை அவர் செலுத்தினால், அதை பாதிக்கப்பட்டவருக்கு வழங்க வேண்டும் என்றும் உத்தரவிட்டது.

குழந்தைக்கு போதுமான இழப்பீடு வழங்க மாவட்ட சட்ட சேவைகள் ஆணையத்திற்கும் நீதிமன்றம் உத்தரவிட்டது.

பேச்சு குறைபாடுள்ள சிறுமியின் வாக்குமூலம் சைகை மொழி மூலம் வீடியோவில் பதிவு செய்யப்பட்டதாகவும், விசாரணை நீதிமன்ற நடவடிக்கைகள் கூட வீடியோவில் பதிவு செய்யப்பட்டதாகவும் அதிகாரி குறிப்பிட்டார்.

அரசுத் தரப்பு கூற்றுப்படி, இந்த சம்பவம் ஆகஸ்ட் 4, 2021 அன்று நடந்தது, குற்றம் சாட்டப்பட்டவர் சிறுமியை அவரது வீட்டிற்கு அருகிலுள்ள தேயிலைத் தோட்டத்திற்கு இழுத்துச் சென்று பாலியல் பலாத்காரம் செய்துள்ளார்.