தாயால் கைவிடப்பட்ட ஒன்பது மாத குழந்தை மற்றும் ஒன்பது வயது சிறுவனை, முச்சக்கரவண்டி சாரதி ஒருவர் அம்பலாங்கொடை பொலிஸ் நிலையத்தில் ஒப்படைத்துள்ளார். ஒரு பெண் தன் பிள்ளைகளை தன்னிடம் ஒப்படைத்து சிறிது நேரம் அவர்களைப் பார்த்துக் கொள்ளுமாறு கூறிவிட்டு சென்றதாகவும் வெகு நேரம் கழித்தும் அந்தப் பெண் திரும்பி வராததால், சிறுவர்களை பொலிஸில் ஒப்படைக்க தான் தீர்மானித்ததாகவும் குறித்த சாரதி பொலிஸாரிடம் தெரிவித்துள்ளார்.

பல்கலைக்கழகங்களில் ஆசிரியர்கள் பற்றாக்குறை ஏற்பட்டுள்ளதனால் கற்பித்தல் நடவடிக்கைகளை மேற்கொள்வதில் சிரமம் ஏற்பட்டுள்ளதாக பல்கலைக்கழக ஆசிரியர் சங்கங்களின் கூட்டமைப்பு தெரிவித்துள்ளது. பல்கலைக்கழக அமைப்பில் கற்பித்தல் நடவடிக்கைகளுக்கு 11,293 ஆசிரியர்கள் தேவை. ஆனால் தற்போது 6,677 பேரே அந்தப் பணியில் ஈடுபட்டுள்ளனர் என கூட்டமைப்பின் ஊடகப் பேச்சாளர் சாருதத்ய இளங்கசிங்க தெரிவித்தார்.

வாகன இறக்குமதி உட்பட பல வகையான பொருட்களுக்கு இறக்குமதி கட்டுப்பாடுகள் விதிக்கப்பட்டுள்ளதால் வரவு செலவு திட்டத்தில் எதிர்பார்த்த வருமானத்தை எட்ட முடியவில்லை என இலங்கை சுங்கம் தெரிவித்துள்ளது. அத்துடன் வாகன இறக்குமதிக்கு விதிக்கப்படும் வரிகளினால் சுங்கத்திற்கு 20 வீத வருமானம் கிடைப்பதாகவும்  கட்டுப்பாடுகள் அமுல்படுத்தப்படும் வரை எதிர்பார்த்த வருமானத்தை எட்ட முடியாது எனவும் சுங்க அதிகாரிகள் சுட்டிக்காட்டியுள்ளதாக குறிப்பிடப்படுகின்றது. 2014ஆம் ஆண்டு தொடக்கம் 2022ஆம் ஆண்டு வரையிலான காலப்பகுதியில் அதிகூடிய வரி வருமானம் 2018ஆம் ஆண்டு பெறப்பட்டுள்ளதாகவும்  […]