அமெரிக்காவுடன் அடுத்தகட்ட அமைதிப் பேச்சுவார்த்தையில் பங்கேற்பது குறித்து ஈரான் இன்னும் இறுதி முடிவு எடுக்கவில்லை என்று அந்நாட்டு வெளிவிவகார அமைச்சு தெரிவித்துள்ளது. முதல்கட்ட அமைதி பேச்சுவார்த்தைகளில் அமெரிக்கா காட்டிய அலட்சியப் போக்கும், டொனால்ட் ட்ரம்பின் அச்சுறுத்தல்களும் இந்தத் தயக்கத்திற்கு முக்கியக் காரணமாகக் கருதப்படுகின்றது. இரு நாடுகளுக்கும் இடையிலான தற்காலிக போர் நிறுத்தம் மேலும் நீடிக்கப்பட்டுள்ளது. எனினும், அடுத்தக்கட்ட அமைதி பேச்சுக்கு இன்னும் திகதி நிர்ணயிக்கப்படவில்லை. இதற்குரிய இராஜதந்திர முயற்சியில் பாகிஸ்தான் ஈடுபட்டுவருகின்றது. இந்நிலையிலேயே ஈரான் வெளிவிவகார அமைச்சின் […]

அமெரிக்க துணை ஜனாதிபதி ஜே.டி. வேன்ஸின் JD Vance பாகிஸ்தான் பயணம் அதிகாரப்பூர்வமாக ரத்து செய்யப்பட்டுள்ளதாக வெள்ளை மாளிகை அறிவித்துள்ளது. ஈரான் அதிகாரிகளுடன் அமைதிப் பேச்சுவார்த்தை நடத்தி ஒப்பந்தத்தை இறுதி செய்வதற்காக அவர் இன்று இஸ்லாமாபாத் செல்வதற்கு திட்டமிட்டிருந்தார். எனினும், அமெரிக்கா-ஈரான் இடையிலான போர்நிறுத்தத்தை காலவரையறையின்றி நீடிப்பதற்கு ட்ரம்ப் சம்மதித்ததைத் தொடர்ந்து இந்த மாற்றம் ஏற்பட்டுள்ளது. எதிர்கால சந்திப்பு குறித்த தகவல்கள் பின்னர் அறிவிக்கப்படும் என்று வெள்ளை மாளிகை அதிகாரிகள் தெரிவித்துள்ளனர்.

ஈரான் மற்றும் அமெரிக்காவிற்கு இடையிலான தற்காலிக யுத்த நிறுத்தத்தை நீட்டிக்கும் முடிவை ஐ.நா.பொதுச்செயலாளர் António Guterres வரவேற்றுள்ளார். இந்த ஆக்கபூர்வமான நடவடிக்கை இரு நாடுகளுக்கும் இடையிலான அமைதிப் பேச்சுவார்த்தைகளை மேம்படுத்த உதவும் என்று அவர் நம்பிக்கை வெளியிட்டுள்ளார். பதற்றத்தைத் தணிக்கும் நோக்கில் மேற்கொள்ளப்படும் இத்தகைய முயற்சிகள், பிராந்தியத்தில் நீடித்த அமைதியை நிலைநாட்ட ஒரு முக்கிய வாய்ப்பாக அமையும் என்று அவர் கருதுகிறார். மேலும், இந்த இராஜதந்திர நகர்வுகளை முன்னெடுத்துச் செல்வதில் பாகிஸ்தான் ஆற்றும் முக்கியப் பங்கையும் ஐ.நா. […]

ஈரானுடனான தற்காலிக போர் நிறுத்தத்தை நீடிப்பதாக அமெரிக்க ஜனாதிபதி டொனால்ட் ட்ரம்ப் Donald Trump அறிவித்துள்ளார். இரு நாடுகளுக்கும் இடையிலான போர் நிறுத்தம் இன்று முடிவடைய இருந்த நிலையிலேயே ட்ரம்ப் இந்த அறிவிப்பை வெளியிட்டுள்ளார். மத்தியஸ்த முயற்சியில் ஈடுபடும் பாகிஸ்தானால் விடுக்கப்பட்ட கோரிக்கையை ஏற்றே இம்முடிவு எடுக்கப்பட்டுள்ளது. எனினும், ஈரான்மீதான கடற்படை முற்றுகை தொடர்ந்து அமுலில் இருக்கும் என ட்ரம்ப் கூறியுள்ளார். ஆரம்பத்தில் தாக்குதலுக்குத் தயாராக இருந்த அமெரிக்காவின் இந்தத் திடீர் மனமாற்றம், இருதரப்புப் பேச்சுவார்த்தைக்கான புதிய […]