சுவிட்சர்லாந்து உணவு நிறுவனமான நெஸ்லேவின் தலைமை செயல் அதிகாரி லாரன்ட் ஃபிரிக்ஸ்,பணியில் இருந்து நீக்கப்பட்டார். வணிக நடத்தை விதிகளை மீறியதாகக் கூறி அவர் நீக்கப்பட்டுள்ளார். லாரன்ட் ஃபிரிக்ஸ், தனக்கு கீழ் பணிபுரியும் ஒரு ஊழியருடன் தவறான உறவு வைத்திருந்ததே பிரச்சனைக்கு காரணம் என்று கூறப்படுகிறது. இப்பிரச்சனை தொடர்பாக குழு அமைக்கப்பட்டு வெளி ஆலோசகர்களின் உதவியுடன் விசாரணை நடத்தப்பட்டு நடவடிக்கை எடுக்கப்பட்டதாக நெஸ்லே நிர்வாகம் தெரிவித்தது. புதிய தலைமைச் செயல் அதிகாரியாக பிலிப் நவ்ரடில் என்பவரை நியமித்தது.

கிரீஸில் புதிய கல்வியாண்டில் 750க்கும் மேற்பட்ட பாடசாலைகளின் செயல்பாடுகள் நிறுத்தப்பட்டுள்ளது. மூடப்பட்ட பாடசாலைகளின் எண்ணிக்கை நாட்டின் மொத்தத்தில் 5% என்று வெளிநாட்டு ஊடகங்கள் தெரிவிக்கின்றன. பல தசாப்தங்களாக நாட்டின் பிறப்பு விகிதத்தில் தெளிவான சரிவின் விளைவாக பாடசாலைகளில் உள்ள குழந்தைகளின் எண்ணிக்கை குறைந்துள்ளதாக அறிக்கைகள் குறிப்பிடுகின்றன. கடந்த 7 ஆண்டுகளில் 111,000க்கும் மேற்பட்ட மாணவர்கள் தொடக்கக் கல்வியை இழந்துள்ளதாக கிரேக்க கல்வி அமைச்சகத் தரவுகள் காட்டுகின்றன. இது 2018ஆம் ஆண்டு முதல் 19% சரிவாகும். இந்த ஆண்டு, […]