பிரான்ஸில் முன்மொழியப்பட்ட பட்ஜெட் வெட்டுக்களுக்கு எதிராக பாரிய போராட்டத்திற்கு ஏற்பாடு செய்யப்பட்டுள்ளதாக அறிவிக்கப்பட்டுள்ளது. தொழிற்சங்கங்களால் ஏற்பாடு செய்யப்பட்ட இந்த போராட்டங்களுக்கு  ஆசிரியர்கள், ரயில் ஓட்டுநர்கள், சுகாதார ஊழியர்கள் மற்றும் ஏராளமான இளைஞர்கள் ஆதரவு அளித்துள்ளதாக வெளிநாட்டு ஊடகங்கள் செய்தி வெளியிட்டுள்ளன. மேலும் இந்த போராட்டத்தில் 600,000 முதல் 900,000 பேர் வரை பங்கேற்பார்கள் என்று எதிர்பார்க்கப்படுகிறது. போராட்டங்கள் காரணமாக சில பகுதிகளில் அன்றாட நடவடிக்கைகளும் பாதிக்கப்படும் என எதிர்வுக்கூறப்பட்டுள்ளமை குறிப்பிடத்தக்கது.    

பல்வேறு ஐரோப்பிய நாடுகளில் திட்டமிட்டு தீவைக்கும் சம்பவங்களில்  சந்தேகத்தின்பேரில் கைது செய்யப்பட்டவர்களுக்கு ரஷ்ய வலையமைப்புடன் தொடர்பிருப்பது கண்டறியப்பட்டுள்ளதாக லிதுவேனிய வழக்குரைஞர்கள் தெரிவித்துள்ளனர். வில்னியஸில் உள்ள வழக்கறிஞர் ஜெனரல் அலுவலகம் வெளியிட்டுள்ள அறிக்கையொன்றில் சந்தேக நபர்கள் கூரியர் சேவையை பயன்படுத்தி மேற்படி தாக்குதல் சம்பவங்களை திட்டமிட்டு வந்துள்ளதாக தெரியவந்துள்ளது. இதன் மூலம் வீட்டில் தயாரிக்கப்பட்ட வெடிபொருட்கள் கொண்ட சாதனங்கள் பார்சல்களாக அனுப்பிவைக்கப்படுகின்றன. அவற்றில் நேரம் பொருத்தப்பட்டுள்ளது. அவை குறிப்பிட்ட நேரம் முடிவடைந்ததுடன் தானாகவே வெடிக்கும் வகையில் தயாரிக்கப்பட்டுள்ளதாக தெரிவிக்கப்படுகிறது. […]