முன்னாள் ஜனாதிபதி மைத்திரிபாலவின் தகவலுக்கமைய மேலதிக விசாரணைகள்

ஈஸ்டர் ஞாயிறு தாக்குதல் சம்பவம் தொடர்பில் முன்னாள் ஜனாதிபதி மைத்திரிபால சிறிசேன குற்றப் புலனாய்வு திணைக்களத்திற்கு வழங்கிய வாக்குமூலத்தின் பிரகாரம் மேலதிக விசாரணைகள் முன்னெடுக்கப்படும் என பொலிஸ் மா அதிபர் தேஷ்பந்து தென்னகோன் தெரிவித்துள்ளார்.

அத்துடன் முன்னாள் ஜனாதிபதியின் பாதுகாப்பு தொடர்பில் பிரச்சினை ஏற்பட்டால் எதிர்காலத்தில் உரிய நடவடிக்கை எடுக்கப்படும் எனவும் பொலிஸ் மா அதிபர் மேலும் தெரிவித்துள்ளார்.

பொலிஸ் மா அதிபர் தேஷ்பந்து தென்கோர்ன் இன்று கண்டிக்கு வருகை தந்த போது ஊடகங்களுக்கு கருத்து தெரிவிக்கும் போதே மேற்கண்டவாறு தெரிவித்தார்.

முன்னாள் ஜனாதிபதி மைத்திரிபால சிறிசேனவை கைது செய்யுமாறு சில அரசியல்வாதிகள் மற்றும் சிவில் அமைப்புகளால் முன்வைக்கப்பட்ட முறைப்பாடுகள் தொடர்பிலும் ஊடகவியலாளர்கள் பொலிஸ் மா அதிபரிடம் கேட்டறிந்தனர்.