திருமண விழாவுக்கு சென்ற இடத்தில் பலாத்காரம் செய்யப்பட்ட 6 வயது சிறுமி!
திருமண நிகழ்ச்சியில் பங்கேற்ற 6 வயது சிறுமியை பாலியல் பலாத்காரம் செய்யப்பட்ட சம்பவம் ராஜஸ்தானில் அதிர்ச்சியை ஏற்படுத்தியுள்ளது.
ராஜஸ்தானின் தௌசா மாவட்டத்தில் ஆறு வயது சிறுமி தனது பெற்றோருடன் நேற்று திருமண நிகழ்ச்சிக்குச் சென்றிருந்தார். விழா முடிந்து இரவு வீடு திரும்பிய போது, சிறுமியின் உடையில் ரத்தக்கறை இருந்ததை அவரது பெற்றோர் பார்த்து அதிர்ச்சியடைந்தனர்.
அப்போது சிறுமி பாலியல் பலாத்காரம் செய்யப்பட்டது தெரிய வந்தது. இதனைத் தொடர்ந்து அவர்கள், பொலிஸில் புகார் அளித்தனர். இதன் அடிப்படையில் தௌசாவில் உள்ள மகிளா தானாவில் வழக்குப் பதிவு செய்யப்பட்டுள்ளதாக பொலிஸார் தெரிவித்தனர்.
சிறுமி தற்போது தௌசாவில் உள்ள மருத்துவமனையில் அனுமதிக்கப்பட்டுள்ளார். குற்றவாளிகளை அடையாளம் கண்டு கைது செய்வதற்கான முயற்சிகள் மேற்கொள்ளப்பட்டு வருவதாக பொலிஸார் தெரிவித்தனர். இதுகுறித்து பொலிஸார் இன்று கூறுகையில், ” தௌசா மாவட்டத்தில் ஆறு வயது சிறுமி அடையாளம் தெரியாதவரால் பலாத்காரம் செய்யப்பட்ட சம்பவம் அதிர்ச்சியை ஏற்படுத்தியுள்ளது” என்றனர்.
இச்சம்பவம் குறித்து கருத்து தெரிவித்த ராஜஸ்தான் பாஜக தலைவர் ராஜேந்திர ரத்தோர் கூறுகையில்,” இந்த வழக்கில் விரைவான விசாரணையை உறுதி செய்து குற்றவாளிகள் தண்டிக்கப்படுவதை உறுதி செய்வோம். சிறுமி தற்போது ICUவில் அனுமதிக்கப்பட்டு மெல்ல, மெல்ல சுயநினைவுக்கு வருகிறார்” என்றார்.
திருமண நிகழ்ச்சியில் 6 வயது சிறுமி பலாத்காரம் செய்யப்ப்டட சம்பவம், ராஜஸ்தானில் அதிர்ச்சியை ஏற்படுத்தியுள்ளது.
(Visited 5 times, 1 visits today)
