அபுதாபியில் பணியாற்றிய மகன் திடீரென உயிரிழப்பு!!! இலங்கையில் தவிக்கும் பெற்றோர்
ஐக்கிய அரபு இராச்சியத்திற்கு வேலைக்குச் சென்ற தமது மகன் சந்தேகத்திற்கிடமான முறையில் உயிரிழந்துள்ளதாக உறவினர்கள் குற்றம் சுமத்தியுள்ளனர்.
இது தொடர்பில் வெளிநாட்டு வேலைவாய்ப்பு பணியகம் உடனடி கவனம் செலுத்துமாறு அவரது பெற்றோர் கோரிக்கை விடுத்துள்ளனர்.
பத்தேகம, கோனாபினுவல பகுதியைச் சேர்ந்த கவிந்து சத்சர என்பவர் ஒன்றரை வருடங்களுக்கு முன்னர் ஐக்கிய அரபு இராச்சியத்தின் அபுதாபிக்கு வேலை நிமித்தம் சென்றுள்ளார்.
அந்த நாட்டில் உள்ள ஒரு உணவகத்தில் சமையல்காரராக அவர் பணியாற்றியுள்ளார்.
அதன்பிறகு தினமும் உறவினர்கள் மற்றும் நண்பர்களிடம் பேசி வந்தாலும் கடந்த 6ம் திகதி முதல் மகன் குறித்த எந்த தகவலும் இல்லை என கவிந்துவின் பெற்றோர் தெரிவித்தனர்.
இந்நிலையில், கவிந்து பணிபுரியும் இடத்தில் விசாரணை நடத்தியபோது, கவிந்து ஏற்கனவே இறந்துவிட்டதாக அதன் பிரதிநிதிகள் பெற்றோரிடம் தெரிவித்தனர்.
வெளிநாட்டு வேலை வாய்ப்புப் பணியகம் உள்ளிட்ட பொறுப்பு வாய்ந்த அதிகாரிகள் தமது மகனின் மரணத்திற்கான காரணத்தை வேலைவாய்ப்பு நிறுவனத்திடம் கண்டறிந்து அவ்வாறு உயிரிழந்தால் சடலத்தை இலங்கைக்கு கொண்டு வர தலையிடுமாறு பெற்றோர்கள் கோரிக்கை விடுக்கின்றனர்.
(Visited 9 times, 1 visits today)
