இனி விசா தேவையில்லை… 33 நாடுகளுக்கு புதிய அறிவிப்பை வெளியிட்ட ஈரான் அரசு

மேற்காசிய நாடான ஈரானில் சுற்றுலா துறையை மேம்படுத்தவும், சுற்றுலா பயணிகளின் வருகையை ஊக்கப்படுத்தவும் அந்நாட்டு அரசு தொடர்ந்து பல்வேறு நடவடிக்கைகளை மேற்கொண்டு வருகிறது. அதன் ஒரு பகுதியாக இந்தியா உள்ளிட்ட 33 நாடுகளை சேர்ந்த சுற்றுலா பயணிகள் ஈரான் வருவதற்கு இனி விசா தேவையில்லை என தெரிவிக்கப்பட்டு உள்ளது.

நேற்று நடைபெற்ற அமைச்சரவை கூட்டத்திற்கு பிறகு செய்தியாளர்களை சந்தித்த அந்நாட்டின் சுற்றுலாத்துறை அமைச்சர் எஸதுல்லாஹ் சர்காமி, ‘ஈரானின் சுற்றுலா துறையை மேம்படுத்தவும், சுற்றுலா பயணிகளின் வருகையை ஊக்கப்படுத்தவும் பல்வேறு முயற்சிகள் மேற்கொள்ளப்பட்டு வருகின்றன.

அந்த வகையில் 33 நாடுகளை சேர்ந்த சுற்றுலா பயணிகள் ஈரான் வருவதற்கு இனி விசா தேவையில்லை என அமைச்சரவை கூட்டத்தில் முடிவு செய்யப்பட்டு உள்ளது’ என்று தெரிவித்தார்.

சமீபத்தில்,மலேசியா, இலங்கை, இந்தோனேசியா, தாய்லாந்து, கென்யா, வியட்நாம் உள்ளிட்ட நாடுகள் இந்திய பயணிகளுக்கு விசா தேவையில்லை என அறிவித்திருந்தது குறிப்பிடத்தக்கது.

See also  இந்திய பயணிகளுக்கு விசா இல்லாத நுழைவை காலவரையின்றி நீட்டித்துள்ள தாய்லாந்து

தொடர்புடைய செய்திகள்:

காசாவில் பசியால் தவிக்கும் மக்கள் – உணவுக்காக குதிரைகளை கொன்ற அவலம் போலந்தில் ரஷ்ய தூதுவரின் வீட்டில் சாணத்தை கொட்டி போராட்டம் பாகிஸ்தானில் 8 நீதிபதிகளுக்கு எதிராக ரசாயனம் தடவிய கொலை மிரட்டல் கடிதங்கள்! ஜப்பானில் வரலாறு காணாத அளவு பாதிப்பு – கை, கால், வாய்ப் புண் நோயால் தவிக்கும் மக்கள் சீனாவில் நிலவும் மோசமான வானிலை – 11 பேர் பலி இந்தோனேசியாவில் வெள்ளத்தில் புதைந்த வீடுகள் : 13 பேர் பலி!