ஜெர்மனியில் 7 பேரை கொன்ற துப்பாக்கிதாரி – வெளிவரும் அதிர்ச்சி பின்னணி

ஜெர்மனியில் மார்ச் மாதம் 9 ஆம் திகதி இரவு ஜேயோவா வழிப்பாட்டு தளத்தில் நிகழ்ந்த துப்பாக்கி சூட்டு சம்பவத்தில் 7 பேர் மரணித்த நிலையில் பொலிஸார் தகவல் வெளியிட்டுள்ளனர்.

நேற்றைய தினம் 9 ஆம் திகதி ஹம்போக்கில் அமைந்திருந்த ஜேயோவாவின் சாட்சியம் என்று சொல்லப்படுகின்ற  கிறிஸ்த்தவ மத பிரிவினர் ஒருவருடைய தேவாலயத்தில் வழிபாடு நடைப்பெற்றுக்கொண்டிருந்த பொழுது துப்பாக்கி சூடு இடம்பெற்றுள்ளது.

இந்த மத பிரிவில் முன்பு உறுப்பினராக இருந்த பிலிப் என்று சொல்லப்படுகின்ற 35 வயதுடைய நபரே இவ்வாறு சரமாரியாக துப்பாக்கி பிரயோகத்தை மேற்கொண்டார் என தெரிய வந்திருக்கின்றது.

அதேவேளையில் இவரது இந்த துப்பாக்கி சம்பவத்தில் 7 பேர் படுகொலை செய்யப்பட்டுள்ளனர்.

இந்த பிலிப் என்று சொல்லப்படுகின்ற நபரானவர் மெப்பிங் என்ற சொல்லப்படுகின்ற நகரத்தில் முன்பு வாழ்ந்தார் என்றும் பின்னர் பையன் மாநிலத்திற்கு சென்ற நிலையில் பின்னர் பையன் மாநிலத்தில் இருந்து அம்பக்கு குடிபெயர்ந்தார் என்றும் தெரிய வந்திருக்கின்றது.

இவர் முன்பு இந்த சமய பிரிவில் உறுப்பினராக இருந்த நிலையில் அண்மை காலத்தில் கடவுளும் சாத்தானும் என்ற தலைப்பில் ஒரு புத்தகத்தை எழுதி வெளியிட்டும் உள்ளார்

இவர் ஆயுதங்களை கையாள்வதற்கு மற்றும் ஆயுதங்களை வைத்திருப்பதற்குரிய அனுமதி பத்திரத்தை வைத்திருந்தார் என்றும் தெரியவந்திருக்கின்றது.

இவர் இந்த துப்பாக்கி சூட்டு சம்பவத்தின் பொழுது 3 தடவைகள் துப்பாக்கி சூட்டை நடத்திய நிலையில 3 தடவைகளும் பல குண்டுகள் சீறி பாய்ந்ததாகவும் தெரியவந்திருக்கின்றது.

பின்னர் இந்த துப்பாக்கி தாரியானவர் தன்னை தானே துப்பாக்கியால் சுட்டு கொலை செய்ததாகவும் தற்பொழுது சந்தேகம் எழுந்துள்ளதாக பொலிஸ் தரப்பு தெரிவித்துள்ளது.

இதேவேளையில் அம்பக் நகர பொலிஸார் மேலதிக விசாரணைகளை மேற்கொண்டு வருவதாகவும் தெரிய வருகின்றது.

தொடர்புடைய செய்திகள்:

ஸ்வீடனில் பொலிசாரால் இழுத்து செல்லப்பட்ட காலநிலை ஆர்வலர் கிரேட்டா துன்பெர்க் புதிய ஹோட்டல் கட்டிடங்களை கட்ட தடை விதித்த ஆம்ஸ்டர்டாம் அமெரிக்க பத்திரிகையாளரின் மேல்முறையீட்டை நிராகரித்த ரஷ்ய நீதிமன்றம் உஸ்பெகிஸ்தானில் அணுமின் நிலையம் அமைக்கவுள்ள ரஷ்யா அமெரிக்க-ரஷ்ய நடன கலைஞருக்கு 15 ஆண்டுகள் சிறைத்தண்டனை கோரும் வழக்கறிஞர்கள் ஜெர்மனியில் பணியாற்றும் நேரத்தில் மாற்றம்? விடுக்கப்பட்ட கோரிக்கை