அமெரிக்காவின் குண்டுவீச்சு விமானம் விபத்து – 08 பேர் உயரிழப்பு!

அமெரிக்க விமானப்படையின் பி-52 ஸ்ட்ராடோஃபோர்ட்ரஸ் குண்டுவீச்சு விமானம் ஒன்று விபத்துக்குள்ளானதில் எட்டு பேர் உயிரிழந்துள்ளனர்.

தெற்கு கலிபோர்னியாவில் உள்ள எட்வர்ட்ஸ் விமானப்படைத் தளத்திலிருந்து புறப்பட்ட சிறிது நேரத்தில் இந்த விபத்து இடம்பெற்றதாக அறிவிக்கப்பட்டுள்ளது.

குறித்த குண்டுவீச்சு விமானம் சோதனை நடவடிக்கையில் ஈடுபட்டிருந்தபோது இந்த விபத்து நேர்ந்ததாக அமெரிக்க விமானப் படையினர் தெரிவித்துள்ளனர்.

விபத்து தொடர்பில் கருத்து வெளியளிட்டுள்ள கர்னல் ஜேம்ஸ் ஹேய்ஸ்(James Hayes ), “இன்று, எட்வர்ட்ஸ் விமானப்படைத் தளம் ஒரு பயங்கரமான துயரத்தைச் சந்தித்துள்ளது, மேலும் நாம் எட்டு சிறந்த அமெரிக்கர்களை இழந்துள்ளோம்,” எனத் தெரிவித்துள்ளார்.

விபத்தில் உயிரிழந்த குழுவினரின் உறவினர்களுக்குத் தகவல் தெரிவிக்கப்பட்டு வருவதாகவும், அதன் 24 மணி நேரத்திற்குப் பிறகு அவர்களின் பெயர்கள் வெளியிடப்படும் என்றும் அவர் மேலும் கூறினார்.