FBI இயக்குனரின் Email: ஈரான் ஆதரவுக்குழு சைபர் தாக்குதல்!

ஈரான் ஆதரவுடைய ஹந்தாலா (Handala) என்ற ஹேக்கர் குழு, அமெரிக்க FBI தலைவர் காஷ் படேலின் தனிப்பட்ட மின்னஞ்சலை ஊடுருவித் தகவல்களைத் திருடியுள்ளது.

இந்தத் தரவுகள் அனைத்தும் பழையவை என்றும், இதில் அரசாங்க ரகசியங்கள் எதுவும் இல்லை என்றும் FBI செய்தித் தொடர்பாளர் தெளிவுபடுத்தியுள்ளார்.

அத்துடன், , லாக்ஹீட் மார்ட்டின் (Lockheed Martin) நிறுவன ஊழியர்களின் தனிப்பட்ட விபரங்களையும் தாங்கள் திரட்டிவிட்டுள்ளதாக Handala ஹேக்கர் குழு உரிமை கோரியுள்ளது.

தங்களை பாலஸ்தீன ஆதரவாளர்களாக அடையாளப்படுத்திக்கொள்ளும் இந்தக் குழு, பல முக்கியமான புகைப்படங்கள் மற்றும் மின்னஞ்சல்களை இணையத்தில் கசியவிட்டுள்ளது.

மின்னஞ்சல் ஊடுருவலால் ஏற்படக்கூடிய பாதிப்புகளைக் குறைக்க தேவையான அனைத்து நடவடிக்கைகளையும் எடுத்துள்ளதாகப் பாதுகாப்பு அமைப்புகள் தெரிவித்துள்ளன.