ஆஸ்திரேலிய மகளிர் கிரிக்கெட் அணி வரலாற்று சாதனை

மேற்கிந்தியத் தீவுகளுக்கு எதிரான ஒருநாள் கிரிக்கெட் போட்டியில் ஆஸ்திரேலிய மகளிர் அணி 103 ஓட்டங்கள் வித்தியாசத்தில் அபார வெற்றி பெற்றது.

இப்போட்டியில் முதலில் துடுப்பெடுத்தாடிய ஆஸ்திரேலியா, 49.5 ஓவர்களில் சகல விக்கெட்டுகளையும் இழந்து 341 ஓட்டங்களைப் பெற்றது.

இதன்மூலம் கரீபியன் மண்ணில் தனது அதிகபட்ச ஸ்கோரை ஆஸ்திரேலிய மகளிர் அணி (341) பதிவு செய்தது.

மேற்கிந்தியத் தீவுகள் அணியின் Stafanie Taylor அதிரடியாக விளையாடி சதம் அடித்தபோதிலும், அந்த அணியால் இலக்கை எட்ட முடியவில்லை.

50 ஓவர்கள் நிறைவில் 8 விக்கெட்டுகளை இழந்து 238 ஓட்டங்களையே அவ்வணி பெற்றது. இதன்படி ஆஸ்திரேலியா அணி 103 ஓட்டங்களால் வெற்றிபெற்றுள்ளது.