மத்திய கிழக்கை சுற்றியுள்ள நாடுகளில் ஒரு வலையமைப்பை உருவாக்கும் இஸ்ரேல்!

மத்திய கிழக்கில் அல்லது அதைச் சுற்றியுள்ள நட்பு நாடுகளின் வலையமைப்பை உருவாக்க இஸ்ரேல் திட்டமிட்டுள்ளதாக அந்நாட்டின் பிரதமர் பெஞ்சமின் நெதன்யாகு (Benjamin Netanyahu) தெரிவித்துள்ளார்.

இந்தியப் பிரதமர் நரேந்திர மோடி இஸ்ரேலுக்கு வருகை தரவுள்ளதை அறிவிக்கும்போது நெதன்யாகு குறித்த தகவலை வெளியிட்டுள்ளார்.

“எனக்கு முன்னால் நான் காணும் பார்வையில், நாங்கள் ஒரு முழு அமைப்பையும் உருவாக்குவோம், அடிப்படையில் மத்திய கிழக்கைச் சுற்றி அல்லது அதற்குள் கூட்டணிகளை உருவாக்குவோம்  எனக் குறிப்பிட்டுள்ளார்.

அத்துடன் இஸ்ரேல் மற்றும் இந்தியாவிற்கு இடையில் ஒரு நல்ல உறவு, பிணைப்பு இருப்பதாகவும் அவர் மேலும் குறிப்பிட்டுள்ளார்.

இதேவேளை இது தொடர்பில் தனது எக்ஸ் தள பக்கத்தில் பதிவிட்டுள்ள பிரதமர் நரேந்திரமோடி,  “நம்பிக்கை, புதுமை மற்றும் அமைதி மற்றும் முன்னேற்றத்திற்கான பகிரப்பட்ட அர்ப்பணிப்பு ஆகியவற்றின் அடிப்படையில் கட்டமைக்கப்பட்ட இஸ்ரேலுடனான நீடித்த நட்பை இந்தியா ஆழமாக மதிக்கிறது” என்று குறிப்பிட்டுள்ளார்.