திடீரென தாழிறங்கிய பிரதான வீதி

யக்கலவில் உள்ள கம்பஹா விக்ரமாராச்சி சுதேச மருத்துவ பல்கலைக்கழகத்திற்கு எதிரே உள்ள வீதி இன்று (30) திடீரென தாழிறங்கியதை அடுத்து கொழும்பு – கண்டி பிரதான வீதியில் போக்குவரத்து பாதிக்கப்பட்டுள்ளது.

பொதுமக்களின் பாதுகாப்பை உறுதி செய்வதற்காக யக்கல முதல் திஹாரிய வரையிலான பாதையை மறு அறிவிப்பு வரும் வரை அதிகாரிகள் மூடிவிட்டனர்.

பொறியாளர்கள் சேதத்தை மதிப்பிட்டு அவசரகால பழுதுபார்ப்புப் பணிகளை மேற்கொள்வதால், வாகன சாரதிகள் மாற்று வழிகளைப் பயன்படுத்துமாறு அறிவுறுத்தப்படுகிறார்கள்.

இப்பகுதியில் பெய்த கனமழை மற்றும் வெள்ளம், இவ்வாறு நிலம் திடீரென தாழிறங்குவதற்கு காரணமாக இருக்கலாம் என்று நம்பப்படுகிறது. இதனால் குறித்த வீதியில் பாரிய குழி ஒன்று ஏற்பட்டுள்ளமை குறிப்பிடத்தக்கது.