இலங்கையில் முக்கிய துறைகள் ஆபத்தில் – எச்சரிக்கும் மத்திய வங்கியின் முன்னாள் துணை ஆளுநர்

இலங்கை பொருட்களுக்கான வரி விகிதத்தை அமெரிக்கா 12 சதவீத்திலிருந்து 44 சதவீதமாக அதிகரித்த பிறகு, இலங்கைப் பொருட்கள் இனி அமெரிக்க சந்தையில் போட்டியிட முடியாது என இலங்கை மத்திய வங்கியின் முன்னாள் துணை ஆளுநர் டபிள்யூ. ஏ. விஜேவர்தன தெரிவித்துள்ளார்.

இதன் மூலம், சுமார் 2,000 மில்லியன் டொலர் மதிப்புள்ள இலங்கையின் ஆடைப் பொருட்களும், சுமார் 500 மில்லியன் டொலர் மதிப்புள்ள றப்பர் பொருட்களும் இனி அமெரிக்க சந்தையில் போட்டியிட முடியாது என்றும் அவர் வலியுறுத்துகிறார்.

யூடியூப் சேனல் ஒன்றுடனான கலந்துரையாடலில் டபிள்யூ. ஏ. விஜேவர்தனே இதனை குறிப்பிட்டுள்ளார்.

இது அமெரிக்காவிற்கு பெருமளவில் ஏற்றுமதி செய்யப்படும் ஆடைகள் மற்றும் ரப்பர் உள்ளிட்ட இலங்கையின் உற்பத்தித் தொழில்களுக்கு பெரும் அடியாக இருக்கும். அந்தத் தொழில்களைப் பாதுகாக்க அரசாங்கம் சிறப்புச் சலுகைகளை வழங்க வேண்டியிருக்கும்.

மனித உழைப்புக்குப் பதிலாக புதிய தொழில்நுட்பத்தைப் பயன்படுத்தி ஆடைகளை உற்பத்தி செய்யும் தொழிற்சாலைகளை தனது சொந்த நாட்டிலேயே தொடங்க அமெரிக்கா திட்டமிட்டுள்ளது என அவர் குறிப்பிட்டுள்ளார்.