இலங்கையை உலுக்கிய கோர விபத்து – வெளியான காரணம்

பதுளை – மஹியங்கனை பிரதான வீதியின் அம்பகஹஒய பகுதியில் நேற்று முற்பகல் பேருந்து விபத்துக்குள்ளானதில் 2 மாணவர்கள் உயிரிழந்தனர்.

இந்த விபத்திற்கு பிரேக் கட்டமைப்பில் ஏற்பட்ட தொழில்நுட்ப கோளாறே காரணமாக இருக்கலாமென காவல்துறையினர் சந்தேகம் வெளியிட்டுள்ளனர்.

இதன்போது பேருந்தைக் கட்டுப்படுத்த முடியாமல் விபத்து நேர்ந்திருக்கலாம் எனச் சந்தேகம் வெளியிடப்பட்டுள்ளது. குறித்த பேருந்து விபத்தில் கொத்தலாவல பாதுகாப்பு பல்கலைக்கழகத்தின் தெற்கு வளாகத்தைச் சேர்ந்த 2 மாணவர்கள் உயிரிழந்தனர்.

அத்துடன் 39 பேர் காயமடைந்த நிலையில் பதுளை போதனா வைத்தியசாலையில் அனுமதிக்கப்பட்டுள்ளனர். அவர்களில் பேருந்தின் சாரதி உட்பட 6 பேரின் நிலைமை கவலைக்கிடமாக உள்ளதாக வைத்தியசாலை தகவல்கள் தெரிவிக்கின்றன.

அவர்கள் 6 பேரும் தீவிர சிகிச்சை பிரிவில் சிகிச்சை பெற்று வருவதாகத் தெரிவிக்கப்படுகிறது.

குறித்த பகுதியில் கல் ஒன்று காணப்பட்டமையினால் அதில் பேருந்து மோதியதாக அந்த பகுதியில் உள்ள மக்கள் தெரிவிக்கின்றனர்.

இந்தநிலையில் சம்பவம் தொடர்பான மேலதிக விசாரணைகளை பதுளை பொலிஸார் முன்னெடுத்துள்ளனர்.

See also  தர பரிசோதனையில் தோல்வியை தழுவிய இந்திய மருந்துகள்!

தொடர்புடைய செய்திகள்:

இலங்கையில் ஊழலில் ஈடுபட்டவர்களின் வேட்புமனு நிராகரிப்பு? இலங்கை அரசியலில் ஏற்பட்டுள்ள மாபெரும் புரட்சி : இளம் தலைமுறையினருக்கு கிடைக்கும் வாய்ப்பு! இலங்கையில் 03 மாவட்டங்களில் வாழும் மக்களுக்கு விடுக்கப்பட்டுள்ள எச்சரிக்கை! இலங்கையில் இடம்பெற்ற கோர விபத்து – 18 பேர் வைத்தியசாலையில்! இஸ்ரேலில் வாழும் இலங்கையர்களுக்கு விசே டஅறிவிப்பு இலங்கையின் பல பகுதிகளில் 100mm மழைவீழ்ச்சிக்கு வாய்ப்பு!