சிரியாவின் அலேப்போ நகருக்கு அருகே இஸ்ரேல் தாக்குதல்!

சிரியாவின் வடக்கில் உள்ள அலெப்போ நகருக்கு அருகே  இஸ்ரேல் வான்வழித் தாக்குதல்களை நடத்தியுள்ளது. இதில் பலர் கொல்லப்பட்டுள்ளதுடன், காயமடைந்துள்ளனர்.

அலெப்போ மற்றும் அதன் புறநகர்ப் பகுதிகளில் உள்ள பொதுமக்களின்  இலக்குகள் மீது சிரிய கிளர்ச்சிக் குழுக்களின் ட்ரோன் தாக்குதல்களுடன் இஸ்ரேலிய தாக்குதல்கள் ஒத்துப்போகின்றன என்று பெயர் குறிப்பிடப்படாத இராணுவ அதிகாரியை மேற்கோள் காட்டி சிரிய அரசு ஊடகம் தெரிவித்துள்ளது.

தாக்குதல் நடந்து இரண்டு மணித்தியாலங்களுக்குப் பின்னரும் வெடிப்புச் சத்தம் கேட்டதாக அவதான நிலையம் தெரிவித்துள்ளது.

தாக்குதல்கள் குறித்து இஸ்ரேலிய அதிகாரிகளிடம் இருந்து உடனடி அறிக்கை எதுவும் வரவில்லை.

சிரியாவில் ஈரானுடன் தொடர்புடைய இலக்குகள் மீது இஸ்ரேல் அடிக்கடி தாக்குதல்களை நடத்துகிறது, ஆனால் அவற்றை அரிதாகவே ஒப்புக்கொள்கின்றமை குறிப்பிடத்தக்கது.