ஆரோக்கியமான வாழ்வுக்கு நாள் ஒன்றுக்கு 4000 ஸ்டெப்ஸ் நடந்தால் போதும்

ஒவ்வொரு நாளும் 4,000 படிகள் நடப்பவர்கள் மரணம் அல்லது இதய நோயை தாமதப்படுத்தலாம் என்று போலந்து மருத்துவ பல்கலைக்கழகம் நடத்திய ஆய்வின் முடிவு தெரிவிக்கிறது.

போலந்தின் லோட்ஸ் மருத்துவப் பல்கலைக்கழகம் சுமார் 2 லட்சத்து 27 ஆயிரம் மக்களின் தரவுகள் குறித்த ஆய்வு நடத்தப்பட்டது. ஆய்வு முடிவுகளில் தெரிவிக்கப்பட்டுள்ளதாவது,

நீண்ட தூரம் நடப்பதால் பல நன்மைகள் உள்ளன. ஒருவர் எவ்வளவு தூரம் நடக்க வேண்டும் என்பதற்கு உச்ச வரம்பு எதுவும் இல்லை. இருப்பினும், இது உங்கள் உடல் திறன் மற்றும் ஆரோக்கியத்தைப் பொறுத்தது.

ஒவ்வொரு நாளும் 2,337 படிகள் அல்லது 25 நிமிட நடைப்பயிற்சி இதய நோயிலிருந்து பாதுகாக்க அவசியம்.

மிக முக்கியமாக, இளம் வயதில் இறப்பைத் தடுக்க, ஒரு நாளைக்கு 3,967 படிகள் அல்லது 40 நிமிட நடைப்பயிற்சி அவசியம். ஒவ்வொரு 1,000 அடி அதிகரிப்புக்கும், ஆபத்து 15 சதவீதம் குறைகிறது.

60 வயதுக்கு மேற்பட்டவர்களுக்கு, ஒரு நாளைக்கு 6,000 முதல் 10,000 படிகள் நடந்தால், அதே வயதுடைய நடக்காதவர்களுடன் ஒப்பிடும்போது 42 சதவீதம் குறைவான ஆபத்து உள்ளது.

இது ஆண், பெண் இருபாலருக்கும் பொருந்தும்.’ என தெரிவிக்கப்பட்டுள்ளது.

உலக சுகாதார அமைப்பின் கூற்றுப்படி, உட்கார்ந்த வாழ்க்கை முறை, பல்வேறு நோய் பாதிப்பிற்கு அடிப்படைக் காரணம் ஆகும்.

உடற்பயிற்சியை வழக்கமாக்குங்கள் இல்லாதவர்களுக்கு, வகை 2 நீரிழிவு, இதய நோய், புற்றுநோய் மற்றும் நாள்பட்ட
நோய் அபாயத்தை அதிகரிக்கிறது.

நடைப்பயணத்தை அதிகரிக்க, லிஃப்ட் பயன்படுத்துவதைத் தவிர்த்து, படிக்கட்டுகளில் ஏறவும். வாகனங்களை நிறுத்தும் இடத்தில் இருந்து தூரத்தில் நிறுத்திவிட்டு அலுவலகத்திற்கு நடந்து செல்லலாம்.

அலைபேசியில் பேசும் போது, கொஞ்சம் நடக்க முயற்சி செய்யுங்கள். மதிய உணவுக்குப் பிறகு, சிறிது நடைப்பயிற்சி செரிமானத்தை மேம்படுத்தும்.

தொடர்புடைய செய்திகள்:

அதிகம் மாத்திரைகள் எடுத்துக் கொள்பவர்களுக்கு முக்கிய தகவல் சிரிப்பு நம் அனைவரையும் இணைக்கும் பந்தம் சக ஊழியர்களுடன் நட்பாக இருப்பது அவசியமா? ஆராய்ச்சியாளர்கள் கூறும் அட்வைஸ் பிரியாணி பிரியரா நீங்கள்? அப்போ இந்த பதிவு உங்களுக்குத்தான்