வட கரோலினாவின் (North Carolina) கான்கார் (Concord) பகுதியில் இடம்பெற்ற துப்பாக்கிச்சூட்டு சம்பவத்தில் நான்கு பேர்  பலத்த காயமடைந்த நிலையில் வைத்தியசாலையில் அனுமதிக்கப்பட்டுள்ளதாக காவல்துறை அதிகாரிகள் தெரிவித்துள்ளனர். கான்கார்டில் கிறிஸ்துமஸ் மர விளக்கு ஏற்றும் நிகழ்வு நேற்று இடம்பெற்ற நிலையில் இந்த துப்பாக்கிச்சூடு சம்பவம் இடம்பெற்றுள்ளது. தாக்குதல்தாரிகள் தப்பியோடியுள்ளதாகவும், அவர்களை தேடும் பணி முழுவீச்சில் இடம்பெற்று வருவதாகவும்  தெரிவிக்கப்படுகிறது. இந்நிலையில் சம்பவம் குறித்து தகவல் தெரிந்தவர்கள் 704-920-5027 என்ற எண்ணிற்கு தகவல் வழங்குமாறு காவல்துறையினர் கேட்டுக்கொண்டுள்ளனர்.  

சர்வதேச செஞ்சிலுவைச் சங்கக் குழு (ICRC) 2026 ஆம் ஆண்டில் ஆட்குறைப்பை மேற்கொள்ளவுள்ளதாக அறிவித்துள்ளது. இதற்கமைய 2,900 வேலைகள் இழக்கப்படும் என அறிவிக்கப்பட்டுள்ளது. அடுத்த ஆண்டுக்கான வரவு செலவு திட்டத்தில் உலகளாவிய நன்கொடையாளர்கள் நிதி குறைப்பை அறிவித்துள்ள நிலையில் மேற்படி நடவடிக்கை எடுக்கப்பட்டுள்ளதாக கூறப்படுகிறது. இது தொடர்பில் கருத்து வெளியிட்டுள்ள ICRC தலைவர் மிர்ஜானா ஸ்போல்ஜாரிக் (Mirjana Spoljaric) அதிகரித்து வரும் ஆயுத மோதல்கள், நிதி உதவியில் குறிப்பிடத்தக்க வெட்டுக்கள் மற்றும் சர்வதேச மனிதாபிமான சட்டத்தின் கடுமையான […]