மிஹிந்தலை ஆலய வளாகத்தில் உள்ள பொலிசார் குறித்த முக்கிய அறிவிப்பு

மிஹிந்தலை புனித வளாகத்தின் பாதுகாப்பிற்காக ஈடுபடுத்தப்பட்டுள்ள எந்தவொரு பொலிஸ் உத்தியோகத்தரையும் திரும்பப் பெறுவதற்கு எவ்வித தீர்மானமும் எடுக்கப்படவில்லை என பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்துள்ளார்.

மேலும், சிறிலங்கா பொலிஸார் தொடர்ந்தும் அந்த வளாகத்தில் கடமைகளில் ஈடுபடுவார்கள் என SSP தல்துவா உறுதியளித்தார்.

இதேவேளை, மிஹிந்தலை புனித வளாகத்தின் பாதுகாப்பிற்காக ஈடுபடுத்தப்பட்டிருந்த 225 பாதுகாப்புப் படையினரும் உடனடியாக அமுலுக்கு வரும் வகையில் வாபஸ் பெறப்படுவதாக பாதுகாப்பு இராஜாங்க அமைச்சர் பிரேமித பண்டார தென்னகோன் பாராளுமன்றத்தில் தெரிவித்தார்.

சிவில் உடையில் பாதுகாப்பு உத்தியோகத்தர்கள் ஆலய வளாகத்திற்குள் பிரவேசிப்பதால் தமது உயிருக்கு ஆபத்து ஏற்பட்டுள்ளதாக அண்மையில் மிஹிந்தலை ரஜமஹா விகாரையின் பீடாதிபதியை மேற்கோள்காட்டி இராஜாங்க அமைச்சர் இதனைக் குறிப்பிட்டுள்ளார்.

இந்த விடயம் தொடர்பில் தென்னகோன் கருத்து தெரிவிக்கையில், “இராணுவ அதிகாரி ஒருவர் சிவில் உடையில் கோவிலுக்குள் பிரவேசிக்க முடியாது என்பதை அண்மையில் தான் அறிந்தோம். இப்போது அவர் [மிஹிந்தலை தலைமை பீடாதிபதி] கோவிலில் இராணுவ பிரசன்னத்தை தனது உயிருக்கு அச்சுறுத்தலாகக் கருதினால், 252 அதிகாரிகளையும் இன்று ஆலய வளாகத்தில் இருந்து அகற்றுவோம் என்று தீர்மானித்துள்ளோம்.

எவ்வாறாயினும், ஆலய வளாகத்தில் இருந்து இராணுவத்தினர் அகற்றப்பட்டாலும், அனைத்து பொலிஸ் அதிகாரிகளும் மிஹிந்தலை புனித பிரதேசத்தில் தொடர்ந்தும் கடமையில் இருப்பார்கள் என சிறிலங்கா பொலிஸார் உறுதியளித்துள்ளனர்.

தொடர்புடைய செய்திகள்:

யாழில் முன்னெடுக்கப்பட்ட விஷேட தேடுதல் நடவடிக்கை கொழும்பில் பிரபல ஐந்து நட்சத்திர ஹேட்டலில் வழங்கப்பட்ட சூப் தொடர்பில் வெளியான முக்கிய தகவல் மத்திய கிழக்கு நாடுகளில் பாரிய தாக்குதலை நடத்த அமெரிக்கா தீர்மானம் இலங்கை மத்திய வங்கி நிர்வாகம் மற்றும் ஊழியர்கள் இடையே கலந்துரையாடல் தமிழர் பகுதியில் வசிக்கும் இலங்கையின் உயரமான நபர் – சிங்கள மக்கள் மத்தியில் நல்ல வரவேற்பு மகளுக்கு சூடு வைத்த தாய் கைது