இந்திய நிறுவனம் ஒன்றின் தயாரிப்புகள் மீது கனடா மற்றும் அமெரிக்காவில் எழுந்துள்ள புகார்கள்
இந்திய நிறுவனம் ஒன்றின் துணை நிறுவனங்கள் மீது, அவற்றின் சில தயாரிப்புகள் புற்றுநோய்க்கு காரணமாக அமைவதாக புகார்கள் எழுந்துள்ளன.
இந்திய நிறுவனமான டாபர் நிறுவனத்தின் கூந்தலை நேராக்க உதவும் தயாரிப்புகள் சிலவற்றிலுள்ள ரசாயனங்கள், புற்றுநோயை உருவாக்குவதாக கனடா மற்றும் அமெரிக்காவில் புகார்கள் எழுந்துள்ளன.
பிரச்சினைக்குள்ளாகியுள்ள டாபர் நிறுவனத்தின் துணை நிறுவனங்கள், Namaste Laboratories LLC (Namaste), Dermoviva Skin Essentials Inc. (Dermoviva) மற்றும் Dabur International Ltd. (DINTL) ஆகிய நிறுவனங்கள் ஆகும்.
கனடா மற்றும் அமெரிக்காவில், டாபர் நிறுவனத்தின் குறிப்பிட்ட தயாரிப்புகளை பயன்படுத்தியோர், சூலகப் புற்று (ovarian cancer) மற்றும் சிறுநீர்ப்பை புற்றுநோய்க்கு (uterine cancer) ஆளாகியுள்ளதாக வழக்குகள் தொடரப்பட்டுள்ளன.இந்த தயாரிப்புகளுக்கு எதிராக சுமார் 5,400 வழக்குகள் பதிவாகியுள்ள விடயம் அதிர்ச்சியை உருவாக்குவதாக அமைந்துள்ளது.
இந்த தயாரிப்புகளில், சுருள் கூந்தலை நேராக்குவதற்காக methylene glycol என்னும் ரசாயனம் பயன்படுத்தப்படுகிறதாம். இந்த மெத்திலீன் கிளைக்கால், பார்மால்டிஹைடு என்னும் ரசாயனத்தை வெளியிடக்கூடியது. இந்த ஃபார்மால்டிஹைடு மனிதர்களுக்கு புற்றுநோயை உருவாக்கக்கூடிய ரசாயனம் என வகைப்படுத்தப்பட்டுள்ளது குறிப்பிடத்தக்கது.
(Visited 10 times, 1 visits today)
தொடர்புடைய செய்திகள்:
அமெரிக்க ராணுவ அதிகாரிகளுடன் இந்திய ராணுவ தளபதி மனோஜ் பாண்டே உயர்மட்ட ஆலோசனை
டிரம்பிற்கு 354 மில்லியன் டாலர் அபராதம் விதித்த நியூயார்க் நீதிபதி
புளோரிடா பேருந்து விபத்து – விசாரணையில் வெளிவந்த தகவல்
கலிபோர்னியாவில் ஏலத்திற்கு வரும் இளவரசி டயானாவின் நினைவுப் பொருட்கள்
அலாஸ்கன் பெண்களைக் கொன்றதற்காக அமெரிக்கர் ஒருவருக்கு 226 ஆண்டுகள் சிறைத்தண்டனை
குடியரசுக் கட்சியின் அதிகாரப்பூர்வ வேட்பாளராக டொனால்ட் டிரம்ப் அறிவிப்பு
