இலங்கையில் மதுபோதையில் பாடசாலைக்கு வந்த சிறுமி – நீதிமன்றம் விடுத்த உத்தரவு
இலங்கையில் 14 வயதுடைய சிறுமி ஒருவர் மதுபானத்தை அருந்தி பாடசாலைக்கு சமுகமளித்த சம்பவம் தொடர்பில், நீதிமன்றம் உத்தரவிட்டுள்ளது.
அதற்கமைய, ஏதேனும் ஒருவர் அவரை மதுபானத்துக்கு அடிமையாக்கி விட்டாரா? அல்லது, அவருக்கு மதுபானத்தை பலவந்தமாக வழங்க எவரேனும் முற்பட்டுள்ளாரா என ஆராய்ந்து அறிக்கையிடுமாறு பொலிஸாருக்கு உத்தரவிடப்பட்டுள்ளது.
அவ்வாறு இருப்பின், அது தொடர்பான சந்தேகநபரை கைது செய்யுமாறும் கெக்கிறாவ நீதவான் பொலிஸாருக்கு உத்தரவு பிறப்பித்துள்ளதாக நீதிமன்றத்துக்கான எமது செய்தியாளர் தெரிவித்தார்.
அத்துடன், குறித்த சிறுமி தொடர்பில், விசேட சட்ட வைத்திய அதிகாரியின் அறிக்கையை மன்றில் சமர்ப்பிக்குமாறும் நீதவான் பணித்துள்ளார்.
கெக்கிறாவ கல்வி வலயத்துக்குட்பட்ட பாடசாலையொன்றில் கல்வி பயிலும் 14 வயது சிறுமி ஒருவர் அண்மையில் மதுபானம் அருந்தி விட்டு பாடசாலைக்கு சமுகமளித்திருந்த சம்பவம் தொடர்பில் பொலிஸாரால் நீதிமன்றுக்கு அறியப்படுத்தப்பட்டது.
இந்தநிலையில், அவர் பயிலும் பாடசாலைக்கு முன்பாக போக்குவரத்து கடமைகளில் ஈடுபட்டிருந்த இரண்டு பொலிஸார் கான்ஸ்டபிள்கள், மதுபானம் அருந்தி விட்டு குறித்த சிறுமி பாடசாலைக்கு சமுகமளித்துள்ளதை கண்டறிந்திருந்தனர்.
இவ்வாறான பின்னணியில், குறித்த சிறுமியின் தாத்தாவினால் அவர் மதுபானம் அருந்துவதற்கு பழக்கப்படுத்தப்பட்டுள்ளதாக காவல்துறையின் ஆரம்பக்கட்ட விசாரணைகளில் தெரியவந்துள்ளது.
(Visited 7 times, 1 visits today)
தொடர்புடைய செய்திகள்:
தகாத வேலைசெய்து வந்த பல்கலைக்கழக மாணவர்கள் இருவர் கைது!
ராகம பகுதியில் துப்பாக்கிச் சூடு!!! மூவர் படுகாயம்
மாத்தறையில் மிகவும் துணிகரமாக இடம்பெற்ற கொலை
மாமனாரை கொலை செய்த மருமகன் : பொலிஸார் தீவிர விசாரணை
இலங்கை: ஜனாதிபதி தேர்தலில் போட்டியிடும் விஜயதாச ராஜபக்ஷ ?
இலங்கையில் கடன் தேவையினால் அவதியுறும் மக்கள் – ஆய்வில் வெளியான தகவல்
