ஆப்கானில் கடும் உணவு பஞ்சம்.. 1.5 கோடி மக்கள் உணவின்றி தவிப்பு

ஆப்கானிஸ்தான் நாட்டை தலிபான் அமைப்பு கைப்பற்றி இரண்டு ஆண்டுகள் கடந்துள்ள நிலையில், அங்கு பொருளாதார சிக்கல் காரணமாக கடும் உணவு பஞ்சம் தலைவிரித்தாடுகிறது. ஏழ்மை அதிகரித்து வருகிறது. இதுதொடர்பாக சர்வதேச அமைப்புகள் தொடர்ந்து கவலை தெரிவித்து வருகின்றன.

இந்நிலையில், ஆப்கானிஸ்தானில் 1.55 கோடி மக்கள் கடுமையான உணவு பஞ்சத்தால் பாதிக்கப்பட்டுள்ளதாக சர்வதேச செஞ்சிலுவை சங்கம் வெளியிட்டுள்ள அறிக்கையை மேற்கோள் காட்டி செய்தி வெளியாகி உள்ளது.

கடந்த 3 ஆண்டுகளாக நிலவி வரும் வறட்சி மற்றும் 2 ஆண்டுகளாக நிலவும் பொருளாதார நெருக்கடி ஆகியவை மக்களின் தேவைகளை அதிகப்படுத்தியிருப்பதாக செஞ்சிலுவை சங்கம் தனது அறிக்கையில் தெரிவித்துள்ளது. மேலும் 27 லட்சம் மக்கள் நீண்ட கால உணவு பற்றாக்குறையை எதிர்கொள்வதாகவும் கூறப்பட்டுள்ளது.

நாட்டில் நிலவும் பொருளாதார சவால்களை எதிர்கொள்ளும் வகையில் பெரிய பொருளாதார திட்டங்களை அரசு தொடங்கியிருப்பதாக தலிபான் அரசின் பொருளாதார அமைச்சகம் கூறியுள்ளது.

உணவு பற்றாக்குறையால் தவித்து வரும் ஆப்கானிஸ்தான் நாட்டிற்கு உதவும் விதமாக, ஐ.நா. சர்வதேச உணவு திட்டத்துடன் இணைந்து இந்தியா கோதுமை வழங்குகிறது. இந்தியா இதுவரை ஆப்கானிஸ்தானில் உள்ள ஐ.நா. சர்வதேச உணவு திட்ட மையங்களுக்கு மொத்தம் 47,500 மெட்ரிக் டன் கோதுமை வழங்கியுள்ளது.

See also  ஈரானில் விஷ சாராயம் அருந்தியதில் 26 பேர் உயிரிழப்பு

தொடர்புடைய செய்திகள்:

பாகிஸ்தானிடம் கோரிக்கை விடுத்த இந்தியா ஈராக்கில் டிக்-டாக் பெண் பிரபலம் மர்ம நபரால் சுட்டு கொலை துப்பாக்கிச் சூடு நடத்திய 2 பாலஸ்தீனிய துப்பாக்கிதாரிகள் சுட்டுக்கொலை வங்கதேசம் முழுவதும் பாடசாலைகளை காலவரையின்றி மூட உத்தரவு ஷேக் ஹசீனாவின் இராஜதந்திர பாஸ்போர்ட்டை ரத்து செய்ய வங்காளதேச இடைக்கால அரசு திட்டம் சீனா எங்களை ஆள்வதை நாங்கள் விரும்பவில்லை: தைவான் அதிபர் லாய் சிங்-டே